អ្នកសារព័ត៌មានវ័យក្មេងចិននិងវៀតណាមបង្កើនស្មារតីមិត្តភាពនិងការជឿទុកចិត្តគ្នា

(ហាណូយ/ណាននីង)  សន្និសីទសារព័ត៌មានយុវជនចិន-វៀតណាម ក្រោមប្រធានបទ “ការសន្ទនាក្នុងយុគសម័យថ្មី” កាលពីថ្ងៃទី ១០ ខែមេសា ត្រូវបានរៀបចំឡើងដោយជោគជ័យនៅទីក្រុងហាណូយ ប្រទេសវៀតណាម និងភ្ជាប់ផ្ទាល់តាមអ៊ីនធើណេតនៅទីក្រុងណាននីង ខេត្តក្វាងស៊ី។

ក្នុងសន្និសីទនេះ តំណាងយុវជនមកពីប្រព័ន្ធផ្សព្វផ្សាយសំខាន់ៗរបស់ប្រទេសទាំងពីរ បានធ្វើការសន្ទនា និងផ្លាស់ប្តូរយោបល់យ៉ាងសកម្មស្ដីអំពីតួនាទីរបស់អ្នកសារព័ត៌មានវ័យក្មេងនៅក្នុងសង្គមសម័យទំនើប បញ្ជាក់ពីសារៈសំខាន់នៃការទទួលខុសត្រូវក្នុងការបង្ហាញព័ត៌មានឱ្យបានត្រឹមត្រូវ និងមានទំនួលខុសត្រូវ។

យោងតាមមជ្ឈមណ្ឌលផ្សព្វផ្សាយអន្តរជាតិក្វាងស៊ី បានអះអាងថា៖“អ្វីដែលយើងពណ៌នាជាមួយកាមេរ៉ា ភាសា សំឡេង និងពាក្យសម្ដីរបស់យើង មិនមែនគ្រាន់តែជាព័ត៌មាននោះទេ។ យើងកំពុងបង្ហាញពីការយល់ដឹង និងការជឿទុកចិត្ត។”

សន្និសីទនេះមិនត្រឹមតែជាវេទិកាដើម្បីចែករំលែកបទពិសោធន៍វិជ្ជាជីវៈនោះទេ ប៉ុន្តែជាការផ្ដល់ឱកាសដល់យុវជនចិន និងវៀតណាមក្នុងការពង្រឹងការយល់ដឹងរបស់គ្នាទៅវិញទៅមកនិងបង្កើនស្មារតីមិត្តភាពឱ្យកាន់តែរឹងមាំតាមរយៈសារព័ត៌មាន។