ថៃ៖ ប្រទេសថៃនឹងហាមឃាត់ការប្រើប្រាស់កញ្ឆានៅតាមទីកម្សាន្តនាៗនៅដំណាច់ឆ្នាំនេះ ប៉ុន្តែនៅតែបន្តអនុញ្ញាតឱ្យប្រើប្រាស់សម្រាប់គោលបំណងវេជ្ជសាស្រ្តដដែល។ ការហាមឃាត់នេះបានបង្កើត ឲ្យតម្លៃកញ្ជាឡើយដល់ទៅ ១.២ ពាន់លានដុល្លារនៅឆ្នាំក្រោយ ស្របពេលដែលហាងដែលប្រើប្រាស់កញ្ឆារាប់ម៉ឺនភាគច្រើនមាននៅតាមស្ប៉ា ភោជនីយដ្ឋាន និងតំបន់មួយចនួនទៀត។
រដ្ឋមន្ត្រីក្រសួងសុខាភិបាល លោក Cholnan Srikaew បានអះអាងថា "ប្រសិនបើគ្មានច្បាប់គ្រប់គ្រងកញ្ឆា វានឹងត្រូវប្រើប្រាស់ខុស" ហើយនិងអាចប៉ះពាល់ដល់សុខភាពមនុស្ស និងសន្តិសុខសង្គមជាតិ។ លោកបានបន្តថា៖ ការប្រើប្រាស់កញ្ឆាខុសមានឥទ្ធិពលអវិជ្ជមានដល់កុមារថៃជាខ្លាំង។ ប្រទេសថៃបានក្លាយជាប្រទេសដំបូងគេនៅអាស៊ីអាគ្នេយ៍ដែលអនុញ្ញាតិឲ្យប្រើប្រាស់កញ្ឆាបាន ដោយដំបូងឡើយច្បាប់ប្រើប្រាស់អនុម័តសម្រាប់ការប្រើប្រាស់ជាឱសថនៅឆ្នាំ ២០២១ បន្ទាប់មកសម្រាប់ការប្រើប្រាស់កម្សាន្តនៅឆ្នាំ ២០២២៕
