កោះកុង៖ ការសាងសង់អាកាសយានដ្ឋានអន្តរជាតិ «តារាសាគរ» ក្នុងខេត្តកោះកុង សម្រេចបានប្រហែល៥០ ទៅ៦០ភាគរយហើយគិតត្រឹមថ្ងៃទី១១ មិថុនា ឆ្នាំ២០២០នេះ។នេះបើតាមប្រសាសន៍របស់លោកជំទាវមិថុនា ភូថង អភិបាលខេត្តកោះកុងក្នុងសន្និសីទសារព័ត៌មាន ស្ដីពី វឌ្ឍនភាព និងទិសដៅការងារបន្តរបស់រដ្ឋបាលខេត្តកោះកុង។
លោកជំទាវមិថុនា ភូថង បានគូសបញ្ជាក់ថា អាកាសយានដ្ឋានអន្តរជាតិ «តារាសាគរ» គឺតំបន់បង្កើតជាវិស្សមកាលទេចរណ៍ និងពាណិជ្ជកម្ម ផ្នែកដឹកជញ្ជូន កំពង់ផែ ពាណិជ្ជកម្ម និងឧស្សាហកម្មនោះ ហើយលោកជំទាវបានបដិសេធថា ព្រលានយន្តហោះនេះ គឺបម្រើឱ្យវិស័យយោធារនោះគឺ មិនពិតទេ។
បើតាមលោកជំទាវ បច្ចុប្បន្នការសាងសង់អាកាសយានដ្ឋានអន្តរជាតិ «តារាសាគរ» គឺមានដល់ ផ្លូវហាយវេ ហើយនឹងកំណត់ថា នឹងបញ្ចប់នៅចុងឆ្នាំ២០២០ ឬដើមឆ្នាំ២០២១នេះតែម្ដង។
