សិង្ហបុរីបានរកឃើញករណីឆ្លងកូវីដ១៩បំលែងថ្មីអូមីក្រុងចំនួន៤៥ករណី

សិង្ហបុរី៖ ប្រទេសសិង្ហបុរីកាលពីម្សិលមិញបានរកឃើញ ករណីវិជ្ជមានកូវីដ១៩បំលែងថ្មី អូមីក្រុង រហូតដល់ចំនួន ៤៥ ករណី ក្នុងនោះ៤២នាក់ជាករណីនាំចូល។

យោងតាមក្រសួងសុខាភិបាលនៃប្រទេសសិង្ហបុរី បានផ្សាយនៅថ្ងៃទី២១នេះថា កាលពីថ្ងៃទី២០ប្រទេសនេះ បានរកឃើញករណីឆ្លងចំនួន ១៩៥ ករណី ដែលក្នុងនោះករណីវីរុសបំលែងថ្មីអូមីក្រុងចំនួន ៤៥ ករណី។

ក្រសួងសុខាភិបាលនៃប្រទេសនេះបានបន្តថា ក្នុងករណីវិជ្ជមានកូវីដ១៩ខាងលើ មាន ១៤១ ករណីគឺជាករណីឆ្លងក្នុងសហគមន៍ និង៤៩ករណីជាករណីនាំចូល។

នៅថ្ងៃដដែលនោះក៏មានករណីស្លាប់ចំនួន២ករណីផងដែរ៕