Cct850x100 1
1800px x h300px kh

លោក គួច ចំរើន ប្ដេជ្ញា បន្តអភិវឌ្ឍសេដ្ឋកិច្ចខៀវ នៅខេត្តព្រះសីហនុតាមរយៈកម្មវិធី ICM

សង្គម
/
អ្នកយកព័ត៌មាន:
សុវណ្ណ ស្រីពេជ្រ
/
កិច្ចប្រជុំមហាសន្និបាតសមុទ្រអាស៊ីបូព៌ានៅខេត្តព្រះសីហនុ។
រូបភាព៖ ក្រសួងបរិស្ថាន 

ព្រះសីហនុ៖ អភិបាលខេត្តព្រះសីហនុ ប្ដេជ្ញាចិត្តយ៉ាងមុតមាំ ក្នុងការបន្តអភិវឌ្ឍសេដ្ឋកិច្ចខៀវ នៅក្នុងខេត្តព្រះសីហនុ តាមរយៈកម្មវិធីICM និងគំនិតផ្តួចផ្តើមពាក់ព័ន្ធផ្សេងៗទៀត។

ថ្លែងក្នុងកិច្ចប្រជុំថ្នាក់ក្រោមជាតិនៃបណ្តាញគ្រប់គ្រងបរិស្ថានសមុទ្រអាស៊ីបូព៌ា ឆ្នាំ២០២១ ឯកឧត្តម គួច ចំរើន បានឱ្យដឹងថា វេទិកានេះ បានជួបជុំ ពិភាក្សា និងផ្លាស់ប្តូរនូវបទពិសោធ នៃការគ្រប់គ្រងតំបន់ឆ្នេរ និងសមុទ្រនៃប្រទេសនីមួយៗ សំដៅសហការរួមគ្នាថែរក្សា ការពារ និងអភិវឌ្ឍតំបន់ឆ្នេរសមុទ្រក្នុងតំបន់ ប្រកបដោយនិរន្តរភាព។

ក្នុងនាមជាថ្នាក់ដឹកនាំប្រចាំខេត្តដ៏មានសក្តានុពលមួយនេះ ឯកឧត្តម បានអះអាងថា ក្នុងនាមជាសមាជិកបណ្តាញPNG ខេត្តព្រះសីហនុ បានអនុម័តនូវសេចក្តីប្រកាសរួម ដែលបញ្ជាក់សាជាថ្មីនូវការប្តេជ្ញាចិត្តយ៉ាងខ្ពស់ នាមជារដ្ឋបាលថ្នាក់ក្រោមជាតិ ដើម្បីបន្តអភិវឌ្ឍសេដ្ឋកិច្ចខៀវ តាមរយៈកម្មវិធី ICM និងគំនិតផ្តួចផ្តើមពាក់ព័ន្ធផ្សេងៗទៀត។

លោកបានថ្លែងថា ក្នុងឆ្នាំថ្មីៗកន្លងទៅនេះ រដ្ឋបាលខេត្តព្រះសីហនុបានសហការ រៀបចំផែនការរៀបចំដែនដីខេត្តព្រះសីហនុ ចក្ខុវិស័យឆ្នាំ២០៣០ និងចក្ខុវិស័យឆ្នាំ ២០៣៨ សម្រាប់រដ្ឋបាលក្រុងព្រះសីហនុ។

លោកបញ្ជាក់ថា ដើម្បីអនុវត្តនូវផែនការយុទ្ធសាស្រ្តសកម្មភាពPNLG ឆ្នាំ២០២២-២០៣០ ឱ្យមានប្រសិទ្ធភាព គឺត្រូវស្របតាមកម្មវិធីធំៗចំនួន៣ ទី១)ពង្រឹងអភិបាលកិច្ច និងភាពជាដៃគូ ទី២)ការចូលរួមអនុវត្តកម្មវិធីគ្រប់គ្រងពាក់ព័ន្ធនឹងគោលដៅអភិវឌ្ឍប្រកបដោយចីរភាព(SDGs) ទី៣) លើកកម្ពស់ការគ្រប់គ្រង ការវាយតម្លៃ និងការរាយការណ៍ក្នុងនាមជាសមាជិកបណ្តាញ ដើម្បីអភិវឌ្ឍសកម្មភាពប្រកបដោយចីរភាព សម្រាប់ទស្សវត្សថ្មី ជាមួយការប្ដេជ្ញាចិត្តជាថ្មីក្នុងកម្រិតតំបន់ និងអន្តរជាតិ ដូចជាផែនការយុទ្ធសាស្រ្តអភិវឌ្ឍដោយចីរភាព សម្រាប់អាស៊ីបូព៌ាឆ្នាំ២០២៣-២០២៧ និងផែនការបង្ហាញផ្លូវPEMSEA ឆ្នាំ២០៣០ ក្របខណ្ឌអភិវឌ្ឍជីវៈចម្រុះ និងផែនការយុទ្ធសាស្រ្តគ្រប់គ្រង និងអភិវឌ្ឍតំបន់ឆ្នេរ និងសមុទ្រដទៃទៀត។

គួររំលឹកថា កិច្ចប្រជុំបណ្តាញរដ្ឋបាលថ្នាក់ក្រោមជាតិនៃប្រទេសសមាជិកនៃអង្គការភាពជាដៃគូគ្រប់គ្រងបរិស្ថានសមុទ្រអាស៊ីបូព៌ា ឆ្នាំ២០២១ ក្នុងនោះ រដ្ឋបាលខេត្ត ជាប់មាត់សមុទ្រទាំង៤ របស់កម្ពុជា រួមមាន ខេត្តព្រះសីហនុ ខេត្តកំពត កោះកុង និងកែប៕

ទេសភាពសមុទ្រ និងសំណង់អគារ នៃក្រុងព្រះសីហនុ។រូបភាព៖ ក្រសួងបរិស្ថាន 
ទេសភាពសមុទ្រ និងសំណង់អគារ នៃក្រុងព្រះសីហនុ។រូបភាព៖ ក្រសួងបរិស្ថាន 


Khcct banner

អត្ថបទទាក់ទង