Eqm5 on ads news
Alibaba cloud (1)
Photo 2022 10 27 10.25.28
Photo 2022 10 27 15.04.39
Cct 01
Photo 2022 08 27 11.03.25
Website cc time banner  1800 x 300px

រាជធានីភ្នំពេញត្រៀមទីតាំងចាក់វ៉ាក់សាំង៣៦កន្លែងសម្រាប់ចាក់ជូនកុមារនៅថ្ងៃទី១សីហា

ព័ត៌មានជាតិ
/
អ្នកយកព័ត៌មាន:
សុវណ្ណ ស្រីពេជ្រ
/
រូបតំណាង ការចាក់វ៉ាក់សាំងជូនមនុស្សពេញវ័យកន្លងទៅ។ 

ភ្នំពេញ៖ សាលារាជធានីភ្នំពេញ បានត្រៀមទីតាំងចាក់វ៉ាក់សាំងចំនួន៣៦កន្លែង សម្រាប់ចាក់ជូនកុមារដែលមានអាយុចាប់ពី១២ឆ្នាំ ដល់១៧ឆ្នាំ ដែលរស់នៅក្នុងខណ្ឌទាំង១៤ ក្នុងរាជធានីភ្នំពេញ។

ទីតាំងសម្រាប់ចាក់វ៉ាក់សាំងជូនកុមារកម្ពុជា ក្រសួងបានរៀបចំមន្ទីរពេទ្យនឹងមណ្ឌលសុខភាពដែលមាននៅតាមខណ្ឌទាំង១៤ ចំនួន៣៦ទីតាំង។

សម្រាប់ការចាក់វ៉ាក់សាំងនេះ ដូសទីមួយនឹងចាប់ផ្ដើមនៅថ្ងៃទី០១ សីហា ឆ្នាំ២០២១ ដល់ថ្ងៃទី១៤ សីហា ២០២១។ ចំណែកដូសទី២ នឹងត្រូវចាក់នៅថ្ងៃទី២២ សីហា ដល់ថ្ងៃទី ០៤ ខែ កញ្ញា ឆ្នាំ២០២១។

សម្តេច ហ៊ុន សែន ប្រមុខរាជរដ្ឋាភិបាលកម្ពុជា បានប្រកាសអនុញ្ញាតឲ្យបើកយុទ្ធនាការចាក់វ៉ាក់សាំងស៉ីណូវ៉ាក់ជូនកុមារ និងយុវវ័យ ចាប់ពីអាយុ១២ឆ្នាំ ដល់ ១៧ឆ្នាំ នៅថ្ងៃទី០៦ ខែសីហា ឆ្នាំ២០២១ខាងមុខនេះ។សម្តេចបានអំពាវនាវដល់មាតាបិតាសូមត្រៀមខ្លួន ដើម្បីនាំកូនៗទៅទទួលចាក់វ៉ាក់សាំង។ ចំពោះការចាក់នេះមិនមានការបង្ខិតបង្ខំនោះទេ តែសម្តេចមើលឃើញថា ប្រជាពលរដ្ឋបានជឿទុកចិត្តចំពោះរាជរដ្ឋាភិបាល។

យោងតាមរបាយការណ៍បច្ចុប្បន្នកុមារ និង យុវវ័យក្រោម១៨ឆ្នាំ មានប្រមាណ១លាន ៩សែននាក់ ហើយរាជរដ្ឋាភិបាលត្រូវការវ៉ាក់សាំងចំនួន ៤លានដូសបន្ថែមទៀត ដើម្បីចាក់ជូនដល់កុមារ៕

ផ្ទាំងពាណិជ្ជកម្ម
Img 9694
Img 4048
Photo 2022 10 27 10.25.23
Photo 2022 10 27 15.04.39
Khcct banner

អត្ថបទទាក់ទង