ក្នុងអង្គប្រជុំភាគីទាំងពីរបានឯកភាពសម្រេចអនុវត្តនូវដំណោះស្រាយចំពោះមុខចំនួន៤ចំណុចក្នុងមានជាអាទិ៍៖ ការអនុញ្ញាតឱ្យរថយន្តដឹកទំនិញចូលដល់តំបន់ ស ហើយធ្វើការផ្លាស់ប្តូរអ្នកបើកបរ ប្តូរក្បាលឡានសណ្តោង ធ្វើការផ្ទេរទំនិញឬលើកផ្ទេរកុងតែន័រពីរថយន្តភាគីម្ខាងទៅដាក់លើរថយន្តភាគីម្ខាងទៀត និង អនុញ្ញាតឱ្យរថយន្តដឹកទំនិញពីវៀតណាមចូលដល់ផែស្ងួតណាមួយនៅក្បែរព្រំដែន រួចផ្ទេរទំនិញចេញ និងអាចផ្ទុកទំនិញដែលត្រូវនាំចេញពីកម្ពុជាទៅវិញ។
សកម្មភាពទាំងនេះត្រូវតម្រូវឱ្យអ្នកបើកបរត្រូវស្លៀកពាក់សម្លៀកបំពាក់សុវត្ថិភាព្ចពាក់ការពារ Virus ដែលអនុញ្ញាតដោយចត្តាឡីស័ក និងសូមឱ្យសមត្ថកិច្ចពាក់ព័ន្ធខាងកម្ពុជាជួយសហការធានាថាអ្នកបើកបរមិនបានទៅណាខុសពីតម្រាយផ្លូវ និងជួបប្រាស្រ័យទាក់ទងជាមួយអ្នកណាផ្សេង។
ជាមួយគ្នានេះ ភាគីទាំងពីរបានឯកភាពផ្សព្វផ្សាយនូវដំណោះស្រាយនេះទៅដល់ធុរជនដែលមានបាក់ព័ន្ធដល់ការដឹកជញ្ជូន ហើយពួកគេអាចជ្រើសយកចម្រើសមួយណាក៏បាន ដែលល្អសម្រាប់ពួកគាត់ដោយអនិវត្តតាមវិធានការការពារដែលណែនាំដោយចត្តាឡីស័ក។ ដំណោះស្រាយទាំង៤នេះនឹងអនុវត្តចំពោះគ្រប់មាត់ច្រកដែលមានព្រំប្រទល់ជាប់ខេត្តតៃនិញនៃប្រេសវៀតណាម។
គួរបញ្ជាក់ថា រដ្ឋាភិបាលវៀតណាម នៅថ្ងៃទី១៨ ខែមីនា ឆ្នាំ២០២០ បានសម្រេចបិទច្រកព្រំដែនមួយចំនួនជាបណ្តោះអាសន្នជាមួយប្រទេសកម្ពុជា ដើម្បីទប់ស្កាត់នឹងការឆ្លងជំងឺកូវីដ១៩ និងងាយស្រួលក្នុងការគ្រប់គ្រងស្ថានភាព។បច្ចុប្បន្នជនបរទេសដែលចង់ចូលទៅកាន់ប្រទេសវៀតណាម នឹងមិនអនុញ្ញាតឱ្យចូលទៀតទេ ចំណែកពលរដ្ឋខ្មែរដែលនៅជាប់ព្រំដែនដែលចង់ចូលទៅវៀតណាម នឹងត្រូវដាក់ឱ្យនៅដាច់ដោយឡែក១៤ថ្ងៃសិន មុននឹងអនុញ្ញាតឱ្យចូល។
ភ្លាមៗសម្តេចហ៊ុន សែន បានបញ្ជាទៅសម្ដេច ស ខេង ឧបនាយករដ្ឋមន្ត្រី រដ្ឋមន្ត្រីក្រសួងមហាផ្ទៃ ត្រូវចេញសេចក្ដីប្រកាសព័ត៌មានមួយហាមមិនឱ្យជនជាតិវៀតណាមចូលមកកម្ពុជាចាប់ពីម៉ោង ០០:០០នាទី ថ្ងៃទី ២០ ខែ មីនា ឆ្នាំ ២០២០ តទៅ និង ហាមមិនឱ្យប្រជាជនកម្ពុជាទៅវៀតណាម ផងដែរ ។វិធានការនេះ នឹងដកទៅវិញនៅពេលដែលខាងវៀតណាមដកបំរាមដូចគ្នា។ ការបិទព្រំដែននេះ ធ្វើឱ្យទំនិញមួយចំនួនកកស្ទះនៅតាមព្រំដែន៕
