Cct850x100 1
1800px x h300px kh

កម្ពុជានាំចេញផលិតផលកសិកម្មប្រមាណ៤៥ម៉ឺនតោនក្នុងដើមឆ្នាំ២០២១

សេដ្ឋកិច្ច
/
អ្នកយកព័ត៌មាន:
ឃុន សម្ផស្ស
/
ប្រភពរូបភាព៖ ឯកឧត្តម វេង សាខុន រដ្ឋមន្រ្តីក្រសួងកិសកម្ម

ភ្នំពេញ៖ គិតក្នុងត្រីមាសទី១ដើមឆ្នាំ២០២១នេះ កម្ពុជាបាននាំចេញផលិតផលកសិកម្មសរុបប្រមាណជាង៤៥ម៉ឺនតោន។ នេះបើយោងតាមរបាយការណ៍ពីមន្ទីរកសិកម្ម រុក្ខាប្រមាញ់ និងនេសាទខេត្តរតនគីរី តាកែវ កំពត និងបាត់ដំបង កាលពីថ្ងៃទី២៩ ខែមីនា ដែលបានបង្ហាញឲ្យឃើញអំពីបរិមាណកសិផលដែលបាននាំចេញ នៅក្នុងត្រីមាសទី១ ដើមឆ្នាំ ២០២១ ទៅកាន់ប្រទេសជិតខាងក្នុងនោះមាន ស្រូវ ដំឡូងមីស្រស់ ក្រៀម ស្វាយកែវរមៀតស្រស់ គ្រាប់ស្វាយចន្ទី ចេកអំបូងលឿង។

ក្នុងនោះ ផលិតផលកសិកម្មកម្ពុជាដែលនាំចេញពីខេត្តរតនគីរីរួមមាន ចេកអំបូងលឿង: ២៥ ៥៦០ តោន, ចំណិតដំឡូងមីក្រៀម: ២០ ០៩៤ តោន, ម្នាស់ស្រស់: ៥៩២ តោន, គ្រាប់ស្វាយចន្ទី: ៨ ០៦២ តោន, ស្វាយកែវរមៀតស្រស់: ៦៣៧ តោន, ក្រូចថ្លុង: ៧៧ តោន, ខ្នុរ: ២៤៨ តោន។ ខេត្តតាកែវនាំចេញ ស្រូវ: ២០៦ ១៦២ តោន, ស្វាយកែវរមៀតស្រស់: ២០ ៣០៨ តោន។ ខេត្តកំពតនាំចេញ ស្រូវ: ៥៩ ៧១០ តោន។ ខេត្តបាត់ដំបងនាំចេញ ដំឡូងមីស្រស់: ១១១ ៨២០ តោន, ផ្លែស្វាយស្រស់: ១ ៥៤៣ តោន។

ជាមួយគ្នានោះ ឯកឧត្តម វេង សាខុន រដ្ឋមន្រ្តីក្រសួងកិសកម្មបានជម្រាបពីវឌ្ឍនភាព និងសកម្មភាពនៃការនាំចេញកសិផល ក្នុងខេត្តពីរដែលស្ថិតនៅជាប់ព្រំដែននៃប្រទេសវៀតណាម គឺខេត្តស្វាយរៀង និងខេត្តព្រៃវែង កាលពីថ្ងៃទី ២៧ ខែមិនា ឆ្នាំ២០២១ កន្លងទៅ ជាមួយនឹងការបញ្ជាក់ពីលទ្ធផលដែលបានកើតចេញពីការខិតខំប្រឹងប្រែងរបស់កសិករ និងអ្នកពាក់ព័ន្ធ ដោយបានអនុវត្តគោលនយោបាយវិស័យកសិកម្ម និងជាពិសេស អនុវត្តន៍តាមអនុសាសន៍ដ៏ខ្ពង់ខ្ពស់ របស់សម្តេច ហ៊ុន សែន ប្រមុខនៃរាជរដ្ឋាភិបាល ក្នុងការជំរុញឲ្យកសិករបង្កើនការយកចិត្តទុកដាក់ខ្ពស់លើការផលិតនូវផលិតកម្មកសិកម្មដើម្បីធានាបាននូវសន្តិសុខស្បៀង។

ឯកឧត្តមរដ្ឋមន្រ្តីបានបន្តថា ក្នុងដំណាក់កាលដែលព្រះរាជាណាចក្រកម្ពុជា ក៏ដូចជាបណ្តាប្រទេសលើសកលលោកកំពុងប្រឈមនឹងការរីករាលដាលជាសកលនៃមេរោគកូវីដ ១៩ គឺបានធ្វើឲ្យកសិផលនៅកម្ពុជាមានការកើនឡើង រួមជាមួយនឹងការកើនឡើងនៃការនាំចេញកសិផលទៅកាន់ប្រទេសជិតខាង តាមច្រកទ្វារភាគី ក្នុងរយៈពេលជិតបីខែដើមឆ្នាំ ២០២១ គឺមានសកម្មភាពយ៉ាងសកម្ម និងមមាញឹកបំផុត បើទោះបីប្រទេសកម្ពុជា និងបណ្តាជិតខាង បាននិងកំពុងប្រឈមជាមួយការរីករាលដាលនៃជំងឺកូវីដ១៩ យ៉ាងណាក៏ដោយ៕

ប្រភពរូបភាព៖ ឯកឧត្តម វេង សាខុន រដ្ឋមន្រ្តីក្រសួងកិសកម្ម


Khcct banner

អត្ថបទទាក់ទង