Eqm5 on ads news
Alibaba cloud (1)
Photo 2022 10 27 10.25.28
Photo 2022 10 27 15.04.39
Photo 2022 09 21 17.27.20
Photo 2022 08 27 11.03.25
Cc time 1800 x 300

ខួប៤ឆ្នាំនៃការបាញ់សម្លាប់លោកកែម ឡី៖អាជ្ញាធររារាំងក្រុមសកម្មជនមិនឱ្យមានការជួបជុំ

នយោបាយ
/
អ្នកយកព័ត៌មាន:
សុីសុីថាមស៍
/

ភ្នំពេញ៖ថ្ងៃទី ១០ កក្កដា ឆ្នាំ២០២០នេះ គឺជាខួបគម្រប់៤ឆ្នាំនៃឃាតកម្មបាញ់សម្លាប់ លោកបណ្ឌិត កែម ឡី អ្នកវិភាគនយោបាយនិងសង្គមដ៏ល្បីល្បាញនៅក្នុងប្រទេសកម្ពុជា។មុនពីរថ្ងៃនេះខួបមកដល់ក្រុមសកម្មជនបរិស្ថានមានគ្នាប្រមាណពី២០ ទៅ៣០នាក់បានមកជួបជុំគ្នាដាក់កម្រងផ្កានៅក្នុងហាងស្តាម៉ាតកាល់តិច (Star Mart Caltex) ស្តុបបូកគោ។ ប៉ុន្តែការជួបជុំគ្នានេះត្រូវបានអាជ្ញាធរហាមឃាត់។

តាំងពីព្រឹកព្រលឹមក្រុមសកម្មជនបរិស្ថាន ក្នុងនោះមានព្រះសង្ឃផងប្រមាណពី២០ ទៅ៣០នាក់និងអង្គ បានមកប្រជុំគ្នានៅក្នុងហាងស្តាម៉ាតកាល់តិច (Star Mart Caltex) ស្តុបបូកគោដែលជាកន្លែងឃាតកម្មបាញ់សម្លាប់ លោកបណ្ឌិត កែម ឡី អ្នកវិភាគនយោបាយនិងសង្គមដ៏ល្បីល្បាញនៅក្នុងប្រទេសកម្ពុជា។ការប្រមូលផ្តុំគ្នានេះ ក្នុងគោលបំណងសម្តែងនូវក្តីនិករលឹកដាក់កម្រងផ្កាឧទ្ទិសជូនវិញ្ញាណក្ខន្ធសពលោកបណ្ឌិត កែម ឡី។

ប៉ុន្តែសកម្មភាពនៃការជួបជុំរបស់ពួកគេ ត្រូវបានអាជ្ញាធរទីក្រុងភ្នំពេញ រារាំង។ក្រុមសកម្មជនបរិស្ថាន បានចាត់ទុកការរារាំងរបស់ក្រុមអាជ្ញាធរថា ជាការបិទសិទ្ធិសេរីភាព និងការបញ្ចេញមតីរបស់ពួកគេដែលមានចែងក្នុងច្បាប់រដ្ឋធម្មនុញ្ញ ដោយក្រុមសកម្មជនអះអាងថា សកម្មភាពរបស់ពួកគេជាការជួបជុំអហិង្សា។

អាជ្ញាធរខណ្ឌចំការមន នៅថ្ងៃទី០៧ ខែកក្កដា ឆ្នាំ២០២០នេះ បានចេញសេចក្តីប្រកាសព័ត៌មានបញ្ជាក់ឲ្យដឹងថា ការារាំងនេះ គឺម្ចាស់ស្ថានីយប្រេងឥន្ធនៈកាល់តិចបានស្នើសុំមកអាជ្ញាធរឱ្យជួយចាត់វិធានការនានា ដើម្បីធានានូវប្រក្រតីភាពនៃការប្រកបអាជីវកម្ម សណ្ដាប់ធ្នាប់សាធារណៈ សន្តិសុខ និងធានាបាននូវហានិភ័យនៃអគ្គិភ័យ ដែលអាចកើតមានជាយថាហេតុ នៅក្នុងស្ថានីយប្រេង។រដ្ឋបាលខណ្ឌចំការមនសង្កត់ធ្ងន់ថា «រដ្ឋបាលខណ្ឌគ្មានជម្រើសអ្វីក្រៅពីការអនុវត្តវិធានការរដ្ឋបាល និងវិធានការច្បាប់ចំពោះជនទាំងឡាយណា ដែលប្រព្រឹត្តផ្ទុយនឹងច្បាប់ និងលិខិតបទដ្ឋានគតិយុត្តិនានា»។

គួររំលឹកជូនថា លោក កែម ឡី អ្នកវិភាគនយោបាយនិងសង្គមមិនសំចៃមាត់នោះ ត្រូវបានឃាតករបាញ់សម្លាប់កាលពីព្រឹកថ្ងៃទី១០ កក្កដា ឆ្នាំ ២០១៦ នៅហាងស្តាម៉ាតកាល់តិច ស្តុបបូកគោ។ ភ្លាមៗ អាជ្ញាធរកម្ពុជាបានឃាត់ខ្លួនបុរសម្នាក់ឈ្មោះ អឿត អាង ហៅជួបសម្លាប់ និងបានផ្តន្ទាទោសឲ្យជាប់ពន្ធនាគារអស់មួយជីវិត។ អឿត អាង ហៅជួបសម្លាប់ បានសារភាពថា ខ្លួនគឺជាអ្នកសម្លាប់លោកបណ្ឌិត កែម ឡី ដោយសារជំពាក់ប្រាក់៣ពាន់ដុល្លារ៕


ផ្ទាំងពាណិជ្ជកម្ម
Img 9694
ពាក្យទាក់ទង: នយោបាយ កែម ឡី
Photo 2022 10 27 10.25.23
Photo 2022 10 27 15.04.39
Khcct banner

អត្ថបទទាក់ទង