Foton on ads news final
Cct850x100 1
Cc time 1800 x 300
San house

ទឹកជំនន់បានឆក់យកជីវិតពលរដ្ឋ១៦នាក់នៅក្នងរដ្ឋKentucky

អន្តរជាតិ
/
អ្នកយកព័ត៌មាន:
កូ រដ្ឋា
/

កេនទូគី៖ទឹកជំនន់បានឆក់យកជីវិតពលរដ្ឋ១៦នាក់នៅក្នងរដ្ឋKentucky ដោយក្រុមស្វែងរក និងជួយសង្គ្រោះកំពុងប្រើប្រាស់ទូក និងឧទ្ធម្ភាគចក្រកំពុងបន្តស្វែងរកអ្នករស់រានមានជីវិត។ នេះបើយោងតាមការចុះផ្សាយរបស់កាសែតស៊ីអិនអេ។

លោក Andy Beshear អភិបាលនៃរដ្ឋភាគកណ្តាលអាមេរិកខាងត្បូងបានព្រមានថាចំនួនអ្នកស្លាប់ដោយសារទឹកជំនន់ធ្ងន់ធ្ងរទំនងជា "កើនឡើងច្រើន" ។ លោក Beshear បន្តថា ប្រាំមួយនាក់ក្នុងចំណោម ១៦ នាក់ដែលត្រូវបានបញ្ជាក់ថាស្លាប់គឺជាកុមារ ដោយឧទ្ធម្ភាគចក្រឆ្មាំជាតិរដ្ឋ Kentucky ទូកនេសាទ និងសត្វព្រៃ និងអ្នកស្ម័គ្រចិត្តមួយក្រុមកំពុងរុករកតំបន់ដែលរងគ្រោះដោយទឹកជំនន់កាលពីថ្ងៃសុក្រសម្រាប់អ្នកស្រុកដែលជាប់គាំងនៅលើដំបូល កំពុងរងចាំការជួយសង្រ្គោះ។

សម្រាប់លោក Andy Beshear មនុស្សរាប់រយនាក់ត្រូវបានជួយសង្គ្រោះតាមទូកចាប់តាំងពីទឹកជំនន់បានចាប់ផ្តើមកាលពីល្ងាចថ្ងៃពុធ ហើយមានការជួយសង្គ្រោះពីលើអាកាសប្រហែល ៥០ នាក់ដោយប្រើឧទ្ធម្ភាគចក្រឆ្មាំជាតិ។ អភិបាលក្រុងរូបនេះអះអាងថាផ្លូវជាច្រើនត្រូវបានខូចខាតដោយលោកនៅតែមិនអាចជួយសង្រ្គោះមនុស្សទាន់ពេលវេលាបាន ។ "

គួរបញ្ជាក់ថាកម្រិតទឹកនៃ North Fork នៃទន្លេ Kentucky បានកើនឡើងដល់ ៦ម៉ែត្រ ក្នុងរយៈពេលប៉ុន្មានម៉ោង ដែលលើសពីកំណត់ត្រាមុនរបស់វា ៤.៥ម៉ែត្រ ។ការព្យាករណ៍អាកាសធាតុបានឲ្យដឹងថាកំណើនទឹកអាចនឹងបន្តកើនឡើងហើយមន្ត្រីពាក់ព័ន្ធក៏បានអំពាវនាវឲ្យពលរដ្ឋមេត្តាបន្តប្រុងប្រយ័ត្ន៕


Khcct banner

អត្ថបទទាក់ទង