Cc time
Cct850x100 1
Sme laon web banner(1800 x 300)

រថយន្តថៃ«បើកបុកជនជាតិបារាំងម្នាក់ស្លាប់»

អន្តរជាតិ
/
អ្នកយកព័ត៌មាន:
កូ រដ្ឋា
/
កង់​របស់​ស្ត្រី​ជនជាតិ​បារាំង​ដែល​បាន​ស្លាប់​នោះ​ត្រូវ​បាន​គេ​ឃើញនៅ​ផ្លូវ​ប្រសព្វ​ក្នុង​ក្រុង Phra Nakhon Si Ayutthaya ខេត្ត Ayuttha។

អយុធ្យា៖ នារីជនជាតិបារាំងម្នាក់បានស្លាប់បាត់បង់ជីវិត ដោយសាររថយន្តបើបុកកង់របស់នាង នៅចំណុចផ្លូវបំបែកមួយក្នុងសង្កាត់ Phra Nakhon Si Ayutthaya កាលពីយប់ថ្ងៃពុធ នេះបើយោងតាមការចុះផ្សាយរបស់កាសែតថៃបាងកកប៉ុស្តិ៍។

លោក Pol Capt Wirunkit Tantrakul អនុប្រធានផ្នែកស៊ើបអង្កេតនៅ Phra Nakhon Si Ayutthaya បាននិយាយថា គ្រោះថ្នាក់បើបុកមនុស្សស្លាប់នេះបានកើតឡើងនៅលើផ្លូវ Rojana ត្រង់ចំនុចប្រសព្វ Khlong Makhamriang ក្នុង Tambon Prathuchai ដោយគេរាយការណ៍ប្រាប់ប៉ូលិសនៅម៉ោងប្រហែល ៩ យប់។

ដោយឡែកមន្ត្រីថៃបានគូសបញ្ជាក់ថា សេវាសង្គ្រោះបន្ទាន់បានទូរស័ព្ទទៅកន្លែងកើតហេតុបាននិយាយថា ភ្ញៀវទេសចរជនជាតិបារាំង ដែលពុំទាន់បានដឹងឈ្មោះត្រូវបានឃុំខ្លួនរង់ចាំការជូនដំណឹងពីសាច់ញាតិ ដែលបានគេប្រទះឃើញដេកផ្កាប់មុខនៅលើផ្លូវ។ កង់ខូចមួយត្រូវបានគេរកឃើញនៅលើផ្លូវ ហើយសារព័ត៌មានថៃបានរាយការណ៍ថា នៅមិនឆ្ងាយប៉ុន្មាននោះមានរថយន្តតូយ៉ូតា Altis ពាក់ស្លាកលេខ អយុធ្យា រងការខូចខាតផ្នែកខាងឆ្វេង និងកញ្ចក់រថយន្តបែកកញ្ចក់ ។

ទន្ទឹមនិងនេះ អ្នកបើកបររថយន្តឈ្មោះ ស្ថាបនា ឃឹមសុផា អាយុ ៤២ ឆ្នាំ ប្រាប់ប៉ូលិសថា គាត់កំពុងបើកបរពីកន្លែងធ្វើការពេលដល់ជិតផ្លូវបំបែកភ្លើងសញ្ញាចរាចរណ៍ពីក្រហមទៅបៃតង ទើបគាត់បន្តដំណើរទៅមុខ ។ មនុស្សពីរនាក់ជិះកង់ឆ្លងពីឆ្វេងទៅផ្លូវបំបែក លោកស្ថាបនាបាននិយាយថា គាត់បានចាប់ហ្វ្រាំងតែមិនអាចឈប់ទាន់ពេល ហើយបានបុកអ្នកទាំងនោះម្នាក់។ លោកសោកស្ដាយចំពោះឧបទ្ទវហេតុនេះ និងបានសុំទោសដល់ក្រុមគ្រួសារស្ត្រីដែលបានស្លាប់។

គួរបញ្ជាក់ថារដ្ឋាភិបាលថៃបានកំណត់គោលដៅកាត់បន្ថយចំនួនអ្នកស្លាប់តាមដងផ្លូវឱ្យបានជិតពីរភាគបីក្នុងរយៈពេលប្រាំឆ្នាំ បើទោះបីជាខ្លួនទទួលស្គាល់ថាកិច្ចខិតខំប្រឹងប្រែងនេះអាចត្រូវបានរារាំងដោយកង្វះកិច្ចសហប្រតិបត្តិការសាធារណៈក៏ដោយ។ គោលដៅនេះត្រូវបានបញ្ជាក់ដោយនាយករដ្ឋមន្ត្រី Prayut Chan-o-cha នៅក្នុងសិក្ខាសាលាសិក្សានៅទីក្រុងបាងកកកាលពីថ្ងៃពុធ។ សុវត្ថិភាពចរាចរណ៍ត្រូវបានគេកំណត់ជាអាទិភាពក្នុងយុទ្ធសាស្ត្រជាតិ២០ឆ្នាំ។ គោលដៅគឺកាត់បន្ថយអ្នកស្លាប់ដោយគ្រោះថ្នាក់ចរាចរណ៍មកត្រឹម១២នាក់ក្នុងចំណោមប្រជាជន១០០.០០០នាក់នៅឆ្នាំ២០២៧ និងសម្រេចបានគោលដៅចក្ខុវិស័យសូន្យនៅឆ្នាំ២០៥០៕

Khcct banner

អត្ថបទទាក់ទង