Cct850x100 1
1800px x h300px kh

លោក នឿ ភារម្យ បោះបង់ការងារផ្នែកIRមកលក់កូនឈើរកចំណូលបានខ្ទង់ម៉ឺនដុល្លារមួយរដូវ

បទយកការណ៍
/
អ្នកយកព័ត៌មាន:
សុវណ្ណ ស្រីពេជ្រ
/

ភ្នំពេញ៖ ចាប់តាំងពីវិបត្តកូវីដ១៩មានវត្តមាននៅកម្ពុជាមក បានធ្វើឱ្យការងារផ្នែកទំនាក់ទំនងអន្តរជាតិ ឬហៅអក្សកាត់ IR របស់លោក នឿ ភារម្យ មានការរអាក់រអួល ដោយសារតែការបិទខ្ទប់ និង បញ្ហាជាច្រើនទៀត។ការណ៍នេះ បាននាំឱ្យផ្លាស់ប្ដូររបររកស៊ី មកជាអ្នកបណ្ដុះ និង លក់កូនឈើគ្រប់ប្រភេទ ដើម្បីផ្គត់ផ្គង់ជីវភាពដោយរកបានប្រាក់ចំណូលខ្ទង់ម៉ឺនដុល្លារក្នុងមួយរដូវកាល។

នៅពេលលោកអ្នកធ្វើដំណើរពីរង្វង់មូលតាខ្មៅមកម្ដុំ សង្កាត់តាក្ដុល ងាកខាងឆ្វេងដៃ លោកអ្នកប្រាដកជាបានឃើញ កសិដ្ឋានបណ្ដុះ និង លក់កូនឈើមួយឈ្មោះថា «សុខាពិដោរ» ដែលមានលោក នឿ ភារម្យ ជាម្ចាស់ដែលកាន់កាប់អាជីវកម្មនេះ។លោកភារម្យបានប្តូរមកលក់កូនឈើនេះ ក្រោយពីកូវីដ១៩មានវត្តមាននៅកម្ពុ បានឱ្យការងារផ្នែកទំនាក់ទំនងអន្តរជាតិរបស់លោកមានការរអាក់រអួល។

ក្នុងបទសម្ភាសន៍ជាមួយអ្នកយកព័ត៌មានស៊ីស៊ីថាមស៍ លោក នឿ ភារម្យ បានបង្ហើបឱ្យដឹងពីដំណើរការកសិដ្ឋានលក់កូនឈើរបស់លោកដោយអះអាងថា ការប្រកបរបរលក់កូនឈើនេះ លោកមិនមែនជាអ្នកជំនាញកសិកម្មអ្វីទេ ពោលរបរនេះលោកចេះមកពីម្ដាយក្មេកលោក ហើយដោយសារតែបញ្ហាកូវីដលោកបានផ្លាស់ប្ដូរការងារពីផ្នែកទំនាក់ទំនងអន្តរជាតិ មកចាប់ផ្ដើមរកស៊ីជាមួយភរិយា បើកកន្លែងបណ្ដុះ និង លក់កូនឈើគ្រប់ប្រភេទរយៈពេលមួយឆ្នាំជាងមកហើយ។

បើតាមលោក នឿ ភារម្យ ក្នុងមួយរដូវកាលនៃការលក់កូនឈើម្ដងៗលោកអាចរកបានប្រាក់ចំណូល បានខ្ទង់ម៉ឺនដុល្លារឯណោះ ចំណែកអ្នកប្រកបរបរនេះក៏មានសន្ទុះកើនឡើងផងដែរ ត្បិតតែថាមានបញ្ហាកូវីដមែនពិតតែការបញ្ជាទិញកូនឈើយកទៅដាំដុះហាក់មានការកើនឡើងជាងឆ្នាំរាល់ដង។

លោកភារម្យថ្លែងថា “នារដូវកាលនេះគឺលក់ដាច់សឹងតែគ្រប់មុខ តែដើមឈើហូបផ្លែដែលពេញនិយមជាងគេមានដូចជា ដើមខ្នុរ ដើមស្វាយ និងដើមដូងកប៉ាល់ ដោយនាំចូលក្នុងមួយសប្ដាហ៍ម្ដងក្នុងចំនួនច្រើន និងចម្រុះគ្រប់មុខ។ប្រទេសដែលលោកនាំកូនឈើចូលច្រើនជាងគេមាន ប្រទេសវៀតណាម ប្រទេសថៃ ចំណែកប្រទេសចិនមានចំនួនតិចតួចប៉ុណ្ណោះ”។

មូលហេតុដែលនាំចូលកូនឈើទាំងនោះពីក្រៅប្រទេស ដោយសារតែអ្នកដាំភាគច្រើនរកតែឥវ៉ាន់ពីប្រទេសជិតខាង ដោយគិតថាកូនឈើពីប្រទេសថៃ ឬក៏វៀតណាម ដាំទៅល្អ ផ្ដល់ផ្លែផ្កា និងមានរសជាតិឆ្ងាញ់ លក់បានថ្លៃជាដើម។ ខណៈដើមឈើហូបផ្លែក្នុងស្រុក មានតម្រូវការតិចតួច។នេះបើយោងតាមលោក នឿ ភារម្យ។

លោក នឿ ភារម្យ បន្តថា នៅខ្មែរមានការបណ្ដុះដើមផ្កាក្នុងបរិមាណតិចតួច តែការបណ្ដុះដើមឈើមានច្រើនដូចជាដើមមៀនកោះក្របី ក្រូចឆ្មា ក្រូចសើច ដើមពទ្រ្ទា ដើមស្វាយគ្រប់ប្រភេទ តែបើចង់បានប្រភេទស្វាយផ្សាំមែក ឬដើមឈើធំៗ គឺនាំចូលពីថៃ រីឯរុក្ខជាតិកូនឈើតូច គឺនាំចូលពីវៀតណាម។តម្លៃកូនឈើក្នុងស្រុក គឺសមរម្យជាងប្រទេសថៃ ឬវៀតណាម តែបើចង់បានក្នុងចំនួនច្រើន គឺពិបាករកណាស់ មានន័យថាតម្លៃសមរម្យ តែការបណ្ដុះមិនគ្រប់តម្រូវការ។

ក្នុងនាមលោកជាអ្នកផ្គត់ផ្គង់កូនឈើមួយរូបលោកយល់ថា ការនាំចូលកូនឈើមកពីក្រៅច្រើន អាចមកពីកត្តាការឱ្យតម្លៃរបស់ម្ចាស់ចម្ការធំៗ ភាគច្រើនម្ចាស់ចម្ការទាំងនោះស្វែងរកតែកូនឈើមកពីក្រៅប្រទេស ដោយយល់ថារុក្ខជាតិទាំងនោះល្អជាងរបស់ខ្មែរ មានស្ដង់ដារជាង និងពេលផ្ដល់ផ្លែផ្កាមកអាចលក់បានថ្លៃ។ការរីកលូតលាស់នៃអាជីវកម្មនេះ ដោយសារតែតម្រូវការរបស់មនុស្ស ព្រោះប្រជាជនចាប់ផ្ដើមយល់ពីតម្លៃនៃធម្មជាតិ ចង់បានការរស់នៅដែលមានបរិយាកាសល្អ ស្រលាញ់ការដាំដុះ និងអាចបញ្ចេញពលកម្មពេលនឿយហត់ពីការងារផងដែរ៕


Khcct banner

អត្ថបទទាក់ទង