ភ្នំពេញ៖ តាមរយៈការដាំដុះដំណាំស្រូវលើសពីរទៅបីដងក្នុងមួយឆ្នាំ ដែលបានប្រែក្លាយខេត្តមួយនេះ ទៅខេត្តមួយផលិតស្រូវបានច្រើនជាងគេនៅទូទាំងប្រទេស ក្នុងរយៈពេលប៉ុន្មានឆ្នាំចុងក្រោយនេះ ។ ជាក់ស្តែងនៅឆ្នាំនេះ នៅពេលមានភ្លៀងកក់ខែដើមឆ្នាំ ប៉ុន្មានមេកន្លងទៅថ្មីៗ មានប្រជាកសិករ មួយចំនួនបានចាប់ផ្តើមរៀបចំដី និងធ្វើការសាបព្រោះជាបណ្តើរៗរួចទៅហើយ ។
លោក វ៉េង សាខុន រដ្ឋមន្រ្តីក្រសួងកសិកម្ម រុក្ខាប្រមាញ់ និងនេសាទ បានកោតសរសើរនិងវាយតម្លៃខ្ពស់ចំពោះកសិករ រស់នៅខេត្តព្រៃវែង ដែលកំពុងខិតខំប្រឹងប្រែងឆក់យកឱកាសមាសសម្រាប់បង្កើនកម្រិតជីវភាពរស់នៅ ក្នុងតំណាក់កាលបណ្តាប្រទេសជាងពីររយនៅលើពិភពលោក កំពុងតែប្រយុទ្ធប្រឆាំងនៃការរីករាលដាលនៃជំងឺកូវីដ-១៩៕
