ភ្នំពេញ៖ សង្គ្រាមឈ្លានពានរបស់យោធាថៃលើប្រទេសកម្ពុជា បានបិទបញ្ចប់ហើយតាមរយៈបទឈប់បាញ់ដោយមានការអន្តរាគមន៍ពីអន្តរជាតិ។ទោះក្រោយបទឈប់បាញ់ តែសកម្មភាពឈ្លានពានរបស់យោធាថៃនៅតែបន្តបំពាន ដូចជាការដាក់ទូរកុងទឺន័រ បន្លាលួស ឬដោតទង់ជាតិ គឺជាសកម្មភាពបំពានទៅនឹងកិច្ចព្រមព្រៀងដែលឯកភាពគ្នា។
បណ្ឌិត យង់ ពៅ អ្នកជំនាញផ្នែកភូមិសាស្ត្រនយោបាយកម្ពុជា បានចាត់ទុកសកម្មភាពរបស់យោធាថៃនេះ មិនខុសគ្នាជាមួយសម័យអតីតកាលនោះទេ។លោកថា ជាសកម្មភាពអនុវត្តច្បាប់ព្រៃគ្មានអន្តរជាតិណាគេទទួលស្គាល់។លោកទទួលស្គាល់ថា សកម្មភាពនេះ ពលរដ្ឋកម្ពុជាឈឺចាប់ តែលោក សុំឱ្យពលរដ្ឋខ្មែរបន្ត«សាមគ្គីគ្នាជាធ្លុង»ខណៈជម្លោះព្រំដែនអាចចាយពេលច្រើនឆ្នាំដូចឆ្នាំ១៩៦២ និង ២០០៨។
