ហ្សាការតា៖ មន្ត្រីទីភ្នាក់ងារអាកាសធាតុជាន់ខ្ពស់ពីររូបនៃប្រទេសឥណ្ឌូនេស៊ីបានឲ្យដឹងថា នៅក្នុងខែខែមេសាឥណ្ឌូនេស៊ីបានរកឃើញខែដែលក្តៅបំផុតក្នុងរយៈពេលជាង ៤ ទសវត្សរ៍មកនេះមិនធ្លាប់មានពីមុន កម្តៅក្តៅបែបនេះបានប៉ះពាល់ដល់ពលរដ្ឋ នឹងដំណាំជាច្រើនរយហិកតាដល់កសិករក្នុងប្រទេស នឹងបណ្តាលឲ្យសិស្សជាច្រើនរងផលប៉ះពាល់។
លោក Achmad Fachri Radjab ប្រធានមជ្ឈមណ្ឌលព័ត៌មានអាកាសធាតុ និងភូគព្ភសាស្ត្រ (BMKG)ឥណ្ឌូនេស៊ីបានប្រាប់ AFP ថា "សីតុណ្ហភាពខ្យល់ជាមធ្យមក្នុងខែមេសា ឆ្នាំ ២០២៤ គឺខ្ពស់បំផុតបើធៀបនឹងខែមេសា ពីឆ្នាំ ១៩៨១-២០២៣" ការឡើងកម្តៅនេះបានបង្កបញ្ហាជាច្រើននៅទូទាំងអាស៊ី។ កំដៅខ្លាំងបានបំផ្លិចបំផ្លាញតំបន់អាស៊ីពីប្រទេសឥណ្ឌាដល់ហ្វីលីពីនក្នុងប៉ុន្មានសប្តាហ៍ថ្មីៗនេះ ដែលបណ្តាលឱ្យមានអ្នកស្លាប់ដោយសារជំងឺដាច់សរសៃឈាមខួរក្បាល ការបិទសាលារៀន៕
