ភ្នំពេញ៖ តួលេខពីក្រសួងកសិកម្មរុក្ខាប្រមាញ់ និងនេសាទបានបង្ហាញថា ការនាំចេញផលិផលកៅស៊ូបានកើនឡើង ២០ ភាគរយ ដែលមានចំនួនរហូតដល់ ២៩.២០៣ តោន នៅក្នុងខែមករា ឆ្នាំ២០២០នេះ។
ប្រទេសកម្ពុជា បាននាំចេញកៅស៊ូប្រមាណ ២៧,៤៤៥ តោនទៅកាន់ទីផ្សារបរទេស ភាគច្រើនទៅកាន់ប្រទេសវៀតណាម ម៉ាឡេស៊ី និងចិនកាលពីខែមុន។
របាយការណ៍បានបញ្ជាក់ថា តម្លៃកៅស៊ូជាមធ្យមក្នុងខែមករាមានចំនួន ១,៤៣៣ ដុល្លារអាមេរិកក្នុងមួយតោនគឺកើនឡើង ១៧ ភាគរយបើប្រៀបធៀបនឹងរយៈពេលដូចគ្នានៃឆ្នាំ ២០១៩ ។
បច្ចុប្បន្ននេះប្រទេសកម្ពុជាមានផ្ទៃដីដាំកៅស៊ូសរុប ៤០៥.៩១៦ ហិកតាក្នុងនោះ ២៥០.៤៣៤ ហិកតាបានត្រៀមរួចរាល់សម្រាប់ការប្រមូលផល។
កាលពីឆ្នាំមុនព្រះរាជាណាចក្រកម្ពុជាបាននាំចេញកៅស៊ូជិត ៣០ ម៉ឺនតោនទៅកាន់ទីផ្សារបរទេសដោយរកចំណូលបាន ៤០០ លានដុល្លារ៕
