![](https://cdn.cc-times.com/kh.cc-times.com/media/3096/large/%E9%87%91%E7%95%8C%E5%A8%B1%E4%B9%90%E5%9F%8E%E6%98%AF%E9%87%91%E8%BE%B9%E5%94%AF%E4%B8%80%E5%90%88%E6%B3%95%E7%BB%8F%E8%90%A5%E7%9A%84%E8%B5%8C%E5%9C%BA%E3%80%82.jpg?1594003648)
ភ្នំពេញ៖ ក្រុមហ៊ុនណាហ្គាខប (Naga Corp) បានប្រកាសថា ខ្លួនបានចុះហត្ថលេខាអនុស្សរណៈនៃការយោគយល់គ្នាជាមួយក្រសួងសុខាភិបាលកម្ពុជានៅថ្ងៃទី ៣០ ខែមិថុនារួចហើយ ដោយក្រសួងយល់ព្រមឱ្យNaga បើកអាជីវកម្មទទួលអ្នកលេងល្បែង VIP និង បើកអាជីវកម្មល្បែងតាមស្លត់ម៉ាស៊ីនឡើងវិញនៅថ្ងៃទី ៨ ខែកក្កដា ឆ្នាំ២០២០ខាងមុខនេះ។
បើតាមក្រុមហ៊ុនណាហ្គាខប ក្រុមការងារក្រសួងសុខាភិបាលកម្ពុជាក៏បានទៅពិនិត្យកាស៊ីណូណាហ្គាវើលដ៍(Naga World)នៅថ្ងៃទី ៤ ខែកក្កដា កាស៊ីណូមួយនេះយល់ព្រមគោរពតាមវិធានការបង្ការការរីករាលដាលរបស់អាជ្ញាធរ ។
គួរបញ្ជាក់ថា ប្រមុខរាជរដ្ឋាភិបាលកម្ពុជា សម្តេច ហ៊ុន សែន នៅថ្ងៃទី ៣ កក្កដានេះ បានប្រកាសអនុញ្ញាតដល់កាស៊ីណូមានលទ្ធភាពបើកប្រតិបត្តិការអាជីវកម្មសារជាថ្មីវិញ ក៏ប៉ុន្តែមានល្បែងភ្នាល់ និងស្លតម៉ាស៊ីនតែប៉ុណ្ណោះ។តែយ៉ាងណាក៏ដោយ កាស៊ីណូទាំងអស់នោះ ត្រូវស្នើសុំឱ្យមានការអនុញ្ញាតពីក្រសួងសុខាភិបាល ដែលមានភ្ជាប់លក្ខខណ្ឌតម្រូវមួយចំនួន នៃវិធានការ ការពារជាមួយជំងឺកូវីដ-១៩។