Cc time
Cct850x100 1
Itt 0  web banner

កិច្ចចរចាជុំទីពីររវាងរុស្ស៊ីនិងអ៊ុយក្រែនបានឈានដល់ការបង្កើតបណ្តាញមនុស្សធម៌

អន្តរជាតិ
/
អ្នកយកព័ត៌មាន:
លី​ ម៉ាលីង
/
កិច្ចចរចាជុំទីពីររវាងរុស្ស៊ីនិងអ៊ុយក្រែនបានឈានដល់ការបង្កើតបណ្តាញមនុស្សធម៌ ប្រភពរូប៖ ស៊ីនហួរ

បេឡារុស្ស៖ ការចរចាជុំទីពីររវាងរុស្ស៊ី និងអ៊ុយក្រែន បានបញ្ចប់នៅថ្ងៃទី៣ នៅក្នុងព្រៃ Belovezh ក្នុងប្រទេសបេឡារុស្ស។ ភាគីទាំងពីរឈានដល់ការយោគយល់គ្នាលើការបង្កើតបណ្ដាញមនុស្សធម៌ និងបានយល់ព្រមរៀបចំការចរចាជុំទីបីឱ្យបានឆាប់តាមដែលអាចធ្វើទៅបាន។

ការចរចានៅថ្ងៃនោះមានរយៈពេលប្រហែលបីម៉ោង មុនពេលការចរចាចាប់ផ្តើម លោក Podoljak ទីប្រឹក្សាការិយាល័យប្រធានាធិបតីអ៊ុយក្រែន បានរាយបញ្ជីប្រធានបទសំខាន់ៗចំនួនបីសម្រាប់ការចរចានៅលើប្រព័ន្ធផ្សព្វផ្សាយសង្គម ពោលគឺបទឈប់បាញ់ភ្លាមៗ កិច្ចព្រមព្រៀងឈប់បាញ់ និងការបង្កើតបណ្តាញមនុស្សធម៌។ បន្ទាប់ពីការចរចា លោកបានសរសេរនៅលើប្រព័ន្ធផ្សព្វផ្សាយសង្គមជាលើកដំបូងថា អ៊ុយក្រែនមិនទទួលបានលទ្ធផលដែលខ្លួនត្រូវការទេ បានតែឈានដល់ដំណោះស្រាយមួយស្តីពីការរៀបចំបណ្ដាញមនុស្សធម៌តែប៉ុណ្ណោះ។

យោងតាមទីភ្នាក់ងារសារ ព័ត៌មាន TASS ប្រមុខ គណៈប្រតិភូរុស្ស៊ី និងជាជំនួយការប្រធានាធិបតី Mekinsky បាននិយាយបន្ទាប់ពីការចរចារថា ភាគីទាំងពីរបានពិភាក្សាលម្អិតអំពីប្រធានបទចំនួនបីក្នុងអំឡុងការចរចា ដែលរួមមានផ្នែកយោធា ជំនួយមនុស្សធម៌អន្តរជាតិ និងដំណោះស្រាយនយោបាយនៃជម្លោះ។

បញ្ហាចម្បងដែលត្រូវដោះស្រាយនៅក្នុងជុំចរចានេះ គឺទាក់ទងនឹងសុវត្ថិភាពរបស់ជនស៊ីវិលនៅក្នុងតំបន់ជម្លោះ។ ភាគីទាំងពីរបានឈានដល់កិច្ចព្រមព្រៀងស្តីពីការបង្កើតច្រកផ្លូវមនុស្សធម៌ ដើម្បីជម្លៀសជនស៊ីវិល និងបទឈប់បាញ់បណ្តោះអាសន្ន នៅក្នុងតំបន់ដែលទាក់ទងនឹងច្រកមនុស្សធម៌ក្នុងអំឡុងពេលជម្លៀសប្រជាជន។

TASS ក៏បានរាយការណ៍ថា អ្នកចរចារុស្ស៊ី Slutsky ប្រធានគណៈកម្មាធិការកិច្ចការអន្តរជាតិនៃរដ្ឋ Duma (សភាជាន់ទាប) នៃរដ្ឋរុស្ស៊ី បាននិយាយថា ការចរចាជុំទីបីជាមួយអ៊ុយក្រែននឹងធ្វើឡើងនៅប៉ុន្មានថ្ងៃខាងមុខ។ លោកក៏បាននិយាយផងដែរថា លទ្ធភាពដែលគណៈប្រតិភូរុស្ស៊ី-អ៊ុយក្រែន នឹងត្រូវរៀបចំការចរចាជាច្រើនលើកទៀត មិនអាចបដិសេធបានទេ។

ប្រធានាធិបតីរុស្ស៊ី លោក វ្ល៉ាឌីមៀ ពូទីន បានប្រកាសកាលពីថ្ងៃទី២៤ ខែកុម្ភៈ នូវប្រតិបត្តិការយោធាពិសេសនៅក្នុងតំបន់ Donbas ។ នាថ្ងៃដដែល ប្រធានាធិបតីអ៊ុយក្រែន លោក Volodymyr Zelensky បានប្រកាសផ្តាច់ទំនាក់ទំនងការទូតជាមួយរុស្ស៊ី។ គណៈប្រតិភូរុស្ស៊ី និងអ៊ុយក្រែន បានបើកការចរចាជុំដំបូងនៅតំបន់ Gomel ប្រទេសបេឡារុស្ស កាលពីថ្ងៃទី ២៨ ខែកុម្ភៈ។

ការចរចាជុំទី២រវាងរុស្ស៊ី និងអ៊ុយក្រែន និងការចរចាជុំទី១ ក៏ស្ថិតនៅក្នុងប្រទេសបេឡារុស្ស ដែលស្ថិតនៅតំបន់ព្រៃ Belovezh ភាគនិរតី ។ ព្រៃ Belovedz មានទីតាំងនៅប្រសព្វនៃប្រទេសបេឡារុស្ស និងប៉ូឡូញ ហើយជាប់នឹងព្រៃ Biavonawiza ក្នុងប្រទេសប៉ូឡូញ។ វាគឺជាព្រៃដ៏ធំបំផុតមួយនៅអឺរ៉ុប ហើយត្រូវបានគេស្គាល់ថាជា "សួតនៃអឺរ៉ុប" ៕

Khcct banner

អត្ថបទទាក់ទង