គ្រឹះស្ថានអង្គរ បានដាក់លក់សំបុត្រជិះទូក នៅកំពង់ផែចុងឃ្នៀស

សៀមរាប៖ គ្រឹះស្ថានអង្គរ កាលពីថ្ងៃទី១៤ ខែកុម្ភៈ បានចេញសេចក្ដីជូនដំណឹងស្ដីពី ការដាក់អនុវត្តលក់សំបុត្រជិះទូកទស្សនាតំបន់បឹងទន្លេសាប នៅកំពង់ផែចុងឃ្នៀស ចាប់ពីថ្ងៃទី១៥ ខែកុម្ភៈតទៅ។

បើយោងតាមសេចក្ដីជូនដំណឹងបានអោយដឹងថា សំបុត្រមានតម្លៃ ៧ដុល្លារសម្រាប់ភ្ញៀវទេសចរណ៍មួយនាក់ ដែលមានអាយុចាប់ពី១២ឆ្នាំឡើងទៅ គិតទាំងភ្ញៀវជាតិ និងភ្ញៀវអន្តរជាតិ។ សម្រាប់ទូកតូច អាចជិះបានមនុស្ស៨នាក់ ប៉ុន្កែសំបុត្រចាប់ពី៤ឡើងទើបទូកអាចចេញដំណើរបាន។ សម្រាប់ទូកធំវិញ មនុស្សអាចជិះបានរហូតដល់៤៥នាក់ ប៉ុន្ដែទូកអាចចេញដំណើរបានចាប់ពី ៩សំបុត្រឡើងទៅ។