Cc time
Cct850x100 1
Itt 0  web banner

កងទ័ពអាម៉េរិកបដិសេធពុំមាន«នាវាមុជទឹកអាម៉េរិក»បើកឆ្លងកាត់ទឹកដីរុស្ស៊ី

អន្តរជាតិ
/
អ្នកយកព័ត៌មាន:
កូ រដ្ឋា
/

អាម៉េរិក៖ កងទ័ពជើងទឹកអាម៉េរិកបានចេញមុខមកបដិសេធការអះអាងដែលថា នាវាមុជទឹកដើរដោយថាមពលនុយក្លេអ៊ែរមួយរបស់ខ្លួនបានរំលោភលើដែនទឹករបស់រុស្ស៊ី ចំពេលមានភាពតានតឹងផ្នែកភូមិសាស្ត្រនយោបាយរវាងប្រទេសទាំងពីរកើនឡើង។ កាពីទែនកងទ័ពជើងទឹកអាមេរិក Kyle Raines បាននិយាយនៅក្នុងសេចក្តីថ្លែងការណ៍មួយ កាលពីថ្ងៃសៅរ៍ថា "វាមិនមែនជាការពិតទេ ចំពោះការអះអាងរបស់រុស្ស៊ីអំពីប្រតិបត្តិការរបស់យើងនៅក្នុងដែនទឹករបស់ពួកគេ"។

លោក Raines បាននិយាយថា "ខ្ញុំនឹងមិនធ្វើអត្ថាធិប្បាយអំពីទីតាំងច្បាស់លាស់នៃនាវាមុជទឹករបស់យើងទេ ប៉ុន្តែយើងធ្វើការហោះហើរ បើកទូក និងប្រតិបត្តិការប្រកបដោយសុវត្ថិភាពនៅក្នុងដែនទឹកអន្តរជាតិ។

ក្រសួងការពារជាតិរុស្ស៊ី បាននិយាយនៅព្រឹកថ្ងៃសៅរ៍នេះថា នាវាមុជទឹកវាយប្រហារដោយថាមពលនុយក្លេអ៊ែរក្នុងរដ្ឋ Virginia របស់សហរដ្ឋអាមេរិក ត្រូវបានរកឃើញលិចនៅក្នុងទឹកនៃប្រជុំកោះ Kuril ខណៈដែលកងនាវាចរប៉ាស៊ីហ្វិករបស់ទីក្រុងម៉ូស្គូកំពុងធ្វើសមយុទ្ធនៅក្នុងតំបន់នោះ។ យោធារុស្ស៊ីបាននិយាយថា កប៉ាល់រុស្ស៊ីបានបញ្ជាឱ្យនាវិករបស់នាវាមុជទឹកចេញភ្លាមៗ ប៉ុន្តែពួកគេបានព្រងើយកន្តើយនឹងសារទាំងនោះ។

យោងតាមក្រសួងបានឱ្យដឹងថា នាវាពិឃាត Marshal Shaposhnikov ត្រូវបានដាក់ពង្រាយដើម្បីដេញចេញពីនាវាមុជទឹក ដែលប្រើរ៉ាដាសកម្ម ហើយបានចាកចេញពីតំបន់នោះក្នុងល្បឿនពេញទំហឹង។

ក្រសួងរុស្ស៊ីបានហៅឧប្បត្តិហេតុនេះថាជាការរំលោភច្បាប់អន្តរជាតិដ៏ធំដែលបង្កើតការគំរាមកំហែងដល់សន្តិសុខជាតិរបស់រុស្ស៊ី។ ភ្លាមៗក្រោយការជួបគ្នានេះ មន្ត្រីរុស្ស៊ីបានកោះហៅអនុព័ន្ធយោធាអាមេរិកម្នាក់មកពន្យល់អំពីឧប្បត្តិហេតុនេះ។

នាវាមុជទឹកថ្នាក់រដ្ឋ Virginia ត្រូវបានបំពាក់ដោយកាំជ្រួច Cruise និងប្រឆាំងនាវា ព្រមទាំង Mark 48 torpedoes ។ កងទ័ពជើងទឹកអាមេរិកបានហៅពួកគេថាកំពុងប្រើប្រាស់បច្ចេកវិទ្យាចុងក្រោយបង្អស់នៅក្នុង "បច្ចេកវិទ្យាបំបាំងកាយ ការប្រមូលផ្តុំស៊ើបការណ៍ និងប្រព័ន្ធអាវុធ"។ ចំណាយអស់ប្រហែល ៣,៥ ពាន់លានដុល្លារក្នុងការសាងសង់ នាវានីមួយៗត្រូវបានប្រើប្រាស់ជាញឹកញាប់សម្រាប់ការឃ្លាំមើល ការឈ្លបយកការណ៍ និងការប្រមូលផ្តុំស៊ើបការណ៍។

ការញុះញង់ដែលត្រូវបានគេចោទប្រកាន់បានកើតឡើងនៅថ្ងៃជាមួយគ្នាដែលប្រធានាធិបតីរុស្ស៊ីលោក Vladimir Putin និងប្រធានាធិបតីអាមេរិក Joe Biden បាននិយាយតាមទូរស័ព្ទជុំវិញការបង្កើនភាពតានតឹងនៅអ៊ុយក្រែន។ រដ្ឋបាលលោក Biden បានព្រមានអស់រយៈពេលជាច្រើនសប្តាហ៍នៃការឈ្លានពានរបស់រុស្ស៊ីដែលមានសក្តានុពលលើអ៊ុយក្រែន ខណៈដែលទីក្រុងមូស្គូបាននិយាយថា ខ្លួនមិនមានគម្រោងបើកការវាយប្រហារនោះទេ៕

Khcct banner

អត្ថបទទាក់ទង