Cct850x100 1
1800px x h300px kh

ស្រុកចំនួន៥ និងក្រុងបាត់ដំបងកំពុងប្រឈមនឹងជំនន់ទឹកភ្លៀង

សង្គម
/
អ្នកយកព័ត៌មាន:
សុវណ្ណ ស្រីពេជ្រ
/
រូបភាពជំនន់ទឹកភ្លៀងកាលពីឆ្នាំ២០២០ កំឡុងខែតុលា កន្លងទៅ។
រូបភាព៖ ស្រីពេជ្រ

បាត់ដំបង៖ ក្រុងបាត់ដំបង និងស្រុកចំនួន៥ផ្សេងទៀតក្នុងខេត្តបាត់ដំបង ដែលនៅជាប់ស្ទឹងសង្កែអាចប្រឈមនឹងការរងគ្រោះដោយជំនន់ទឹកភ្លៀង ខណៈកម្ពស់ទឹកហក់ឡើងខ្លាំងកម្ពស់១៣ម៉ែត្រ។ នេះបើតាមគណៈកម្មាធិការគ្រប់គ្រងគ្រោះមហន្តរាយខេត្តបាត់ដំបង។

គណៈកម្មាធិការគ្រប់គ្រងគ្រោះមហន្តរាយ បានឱ្យដឹង ស្រុកដែលអាចនឹងងាយរងគ្រោះមាន ស្រុកសំឡូត ក្រុងបាត់ដំបង ស្រុកបាណន់ ស្រុកឯកភ្នំ ស្រុករុក្ខគិរី ស្រុកបវិល និងពលរដ្ឋមានទីលំនៅតាមបណ្ដោយស្ទឹងសង្កែឱ្យមានការប្រុងប្រយ័ត្នខ្ពស់ ក្នុងករណីមានជំនន់ទឹកភ្លៀង។

គណៈកម្មធិការបន្ថែមទៀតថា ការហក់ឡើងនៃកម្ពស់ទឹកស្ទឹងសង្កែនេះ បណ្ដាលមកពីភ្លៀងធ្លាក់ខ្លាំងលើផ្ទៃខាងលើជាប់ៗគ្នា ធ្វើឱ្យកម្ពស់ទឹកស្ទឹងសង្កែឡើងដល់កម្ពស់១៣ម៉ែត្រ នៅចំណុចស្ពានសម្ដេចតេជោ ក្រុងបាត់ដំបង។

យោងតាមទិន្នន័យកម្រិតកម្ពស់ទឹក ក្រុមការងារបច្ចេកទេសនៃឧតុនិយមខេត្តបាត់ដំបង ស្នើឱ្យពលរដ្ឋមានការប្រុងប្រយ័ត្នចំពោះការរស់នៅប្រចាំថ្ងៃ ចំពោះគ្រោះមហន្តរាយនានា ដែលអាចកើតឡើងជាយថាហេតុ ដោយសារតែកម្ពស់ទឹកហក់ឡើងខ្លាំង។

Khcct banner

អត្ថបទទាក់ទង