ភ្នំពេញ៖ គិតត្រឹមថ្ងៃទី២៥ មីនានេះ កម្ពុជាបានរកឃើញអ្នកឆ្លងជំងឺកូវីដ-១៩ ចំនួន២ ករណីបន្ថែមទៀត ធ្វើឱ្យចំនួនអ្នកឆ្លងនៅកម្ពុជាបន្តកើនឡើង៩៣នាក់។នេះបើតាមការថ្លែងរបស់សម្តេច ហ៊ុន សែន ធ្វើឡើងក្នុងពេលសម្តេចអញ្ជើញជួបសំណេះសំណាលជាមួយគ្រូពេទ្យស្ម័គ្រចិត្តប្រយុទ្ធប្រឆាំងនឹងជំងឺ Covid-19 ប្រមាណ៤០០នាក់ នៅវិមានសន្តិភាព នាព្រឹកថ្ងៃទី២៥ ខែមីនា ឆ្នាំ២០២០នេះ។
អ្នកជំងឺពីរនាក់ដែលរកឃើញនៅព្រឹកនេះ គឺជាជនជាតិបារាំង នៅក្នុងខេត្តព្រះសីហនុ ហើយបច្ចុប្បន្នអ្នកឆ្លងកូវីដ ១៩ នៅក្នុងខេត្តព្រះសីហនុដែលកំពុងសម្រាកព្យាបាលមានចំនួន៣៤នាក់។