អាឡាស្កា៖ ទីភ្នាក់ងារសារព័ត៌មានចិនស៊ិនហួ ប៉ូលីសអាឡាស្កាបាននិយាយនៅថ្ងៃទី ២៨ ថា ការធ្លាក់ឧទ្ធម្ភាគចក្រ ដែលបានកើតឡើងនៅតំបន់ Knick Glacier នៅភាគខាងត្បូងនៃរដ្ឋអាឡាស្កា នៅល្ងាចថ្ងៃទី ២៧ ដែលមានមនុស្ស ៥ នាក់នៅលើឧទ្ធម្ភាគចក្របានស្លាប់និងម្នាក់ទៀតរងរបួសធ្ងន់។
មានសេចក្តីរាយការណ៍ថា ឧទ្ធម្ភាគចក្រនេះកំពុងដឹកមគ្គុទេសក៍ ២ នាក់អ្នកដំណើរ ៣ នាក់ និងអ្នកបើកឧទ្ធម្ភាគចក្រម្នាក់ នៅពេលដែលមានហេតុការណ៍បានកើតឡើង។ ប៉ូលីសអាឡាស្កាបាននិយាយថាអ្នកស្លាប់ត្រូវបានគេស្គាល់ថាជាជនជាតិឆែក ២ នាក់និងជនជាតិអាមេរិក ៣ នាក់។ ប៉ូលីសបានធ្វើការជាមួយឆ្មាំជាតិរដ្ឋនិងអង្គការជួយសង្គ្រោះភ្នំអាឡាស្កា ដើម្បីដោះស្រាយជាមួយលទ្ធផលក្រោយ។
ក្រុមជួយសង្គ្រោះមកពីមជ្ឈមណ្ឌលសម្របសម្រួលជួយសង្គ្រោះអាឡាស្កា បានប្រញាប់ប្រញាល់ទៅកាន់កន្លែងធ្លាក់ឧទ្ធម្ភាគចក្រនៅថ្ងៃទី ២៧ ហើយបានបញ្ជូនអ្នកនៅរស់ទៅមន្ទីរពេទ្យ ដើម្បីព្យាបាល។ ក្រុមអ្នកជួយសង្គ្រោះបាននិយាយថា អ្នកនៅរស់រងរបួសធ្ងន់តែស្ថិតក្នុងស្ថានភាពមានស្ថេរភាព។
ក្រុមប្រឹក្សាសុវត្ថិភាពដឹកជញ្ជូនជាតិនឹងស៊ើបអង្កេតរកមូលហេតុនៃការធ្លាក់នេះ៕
.jpg?1714187514)
