ភ្នំពេញ៖ លោក ចាន់ សុជាតា ដែលជាអតីតនិស្សិតឆ្នើមបញ្ចប់ថ្នាក់បរិញ្ញាបត្រជាន់ខ្ពស់ពីសាលាតិចណូ បានទទួលអាហារូបករណ៍ Eiffel ទៅសិក្សាថ្នាក់បណ្ឌិត នៅប្រទេសបារាំង។
បើតាមការបង្ហោះជាសាធារណៈនៃគេហទំព័រហ្វេសប៊ុករបស់សាលាតិចណូ បានឱ្យដឹងថា លោក ចាន់ សុជាតា ជាអតីតនិស្សិតឆ្នើមបញ្ចប់ថ្នាក់បរិញ្ញាបត្រជាន់ខ្ពស់ពីសាលាតិចណូ បានជាប់អាហារូបករណ៍ Eiffel ទៅសិក្សាថ្នាក់បណ្ឌិតនៅប្រទេសបារាំង។មុននឹងទទួលបានអាហារូបករណ៍នេះ លោក ចាន់ សុជាតា បានបញ្ចប់ថ្នាក់បរិញ្ញាបត្រផ្នែកវិស្វករស៊ីវិល (Civil Engineering) ព្រមទាំងបានបញ្ចប់ថ្នាក់បណ្ឌិតផ្នែក សម្ភារៈ និងវិស្វកម្មរចនាសម្ព័ន្ធ (Materials and Structural Engineering) ពីសាលាតិចណូ។
គួរបញ្ជាក់ផងដែរថា កម្មវិធីអាហារូបករណ៍ France Excellence Eiffel ត្រូវបានបង្កើតឡើងដោយក្រសួងការបរទេសបារាំង ដើម្បីជួយដល់ស្ថាប័នឧត្តមសិក្សារបស់បារាំងក្នុងការទាក់ទាញនិស្សិតបរទេសដែលឆ្នើម ទៅសិក្សាថ្នាក់អនុបណ្ឌិត និងបណ្ឌិត ក្នុងជំនាញពាក់ព័ន្ធនឹងវិទ្យាសាស្ត្រ និងបច្ចេកវិទ្យា ព្រមទាំងជំនាញពាក់ព័ន្ធនឹងមនុស្សសាស្ត្រ និងវិទ្យាសាស្ត្រសង្គម នៅសាកលវិទ្យាល័យនៃប្រទេសបារាំង៕
.png?1714377171)
