Eqm5 on ads news
Alibaba cloud (1)
Photo 2022 10 27 10.25.28
Photo 2022 10 27 15.04.39
Photo 2022 09 21 17.27.20
Photo 2022 08 27 11.03.25
Website cc time banner  1800 x 300px

ក្រុមហ៊ុន CMA CGM (Cambodia) ចាប់អារម្មណ៍វិនិយោគលើវិស័យកំពង់ផែ និងការដឹកជញ្ជូននៅកម្ពុជា

សេដ្ឋកិច្ច
/
អ្នកយកព័ត៌មាន:
ហួ ឆេងស៊ីម
/
(រូបភាព៖ ក្រសួងសាធារណការ និងដឹកជញ្ជូន)

ភ្នំពេញ៖ គណៈប្រតិភូក្រុមហ៊ុន CMA CGM (Cambodia) បានបង្ហាញចំណាប់អារម្មណ៍ខ្ពស់ក្នុងការសហការវិនិយោគលើវិស័យកំពង់ផែ ការដឹកជញ្ជូន និងវិស័យភស្តុភារកម្មនៅកម្ពុជា ខណៈក្រុមហ៊ុននេះបានកំពុងពិភាក្សាការងារជាមួយក្រសួងសាធារណការ និងដឹកជញ្ជូន ដើម្បីពង្រីកកិច្ចសហការលើវិស័យភស្ដុភារកម្ម និងដឹកជញ្ជូននៅកម្ពុជា។

លោកជំទាវ កុយ សុដានី រដ្ឋលេខាធិការក្រសួងសាធារណការ និងដឹកជញ្ជូន បានទទួលជួបពិភាក្សាការងារជាមួយគណៈប្រតិភូក្រុមហ៊ុនCMA CGM (Cambodia) ដឹកនាំដោយ លោកស្រី Margaux DUSART នាយិកាគ្រប់គ្រងក្រុមហ៊ុនប្រចាំកម្ពុជា នៅថ្ងៃទី០៥ ខែធ្នូ ឆ្នាំ២០២២។

នាឱកាសនេះ លោកជំទាវ កុយ សុដានី បានសម្តែងនូវការស្វាគមន៍យ៉ាងកក់ក្តៅចំពោះគណៈប្រតិភូក្រុមហ៊ុន និងបានលើកឡើងអំពីសកម្មភាពការងារសំខាន់ៗជាច្រើនដែលក្រសួងបាន និងកំពុងយកចិត្តទុកដាក់អនុវត្ត សំដៅជំរុញការអភិវឌ្ឍវិស័យដឹកជញ្ជូនទាំងផ្លូវគោក ផ្លូវទឹក និងវិស័យភស្ដុភារកម្មឱ្យមានការរីកចម្រើន ជាពិសេសរៀបចំគោលនយោបាយ និងផែនការមេប្រព័ន្ធភស្តុភារកម្មកម្ពុជាឱ្យបានគ្រប់ជ្រុងជ្រោយផងដែរ។

ភាគីទាំងពីរបានពិភាក្សាអំពីគម្រោងមួយចំនួនដែលក្រសួងកំពុងអនុវត្តរួមមាន៖ ប្រព័ន្ធដឹកជញ្ជូនតាមផ្លូវ ដែកនៅកម្ពុជា សកម្មភាពជំរុញការប្រើប្រាស់យានយន្តអគ្គិសនី ក៏ដូចជាពិភាក្សាលើគម្រោងកំពង់ផែទេសចរណ៍អន្តរជាតិកំពតជាដើម ហើយជាមួយគ្នានេះគណៈប្រតិភូក្រុមហ៊ុនបានបង្ហាញចំណាប់អារម្មណ៍ខ្ពស់ក្នុងការសហការវិនិយោគលើវិស័យកំពង់ផែ ការដឹកជញ្ជូន និងវិស័យភស្តុភារកម្មផងដែរ។

ទន្ទឹមនឹងនេះ លោកជំទាវ បានសម្តែងនូវការទទួលស្វាគមន៍ចំពោះគ្រប់គម្រោងវិនិយោគ ដែលក្រុមហ៊ុនមានបំណងសហការជាមួយក្រសួង ដើម្បីចូលរួមចំណែកឱ្យបានខ្លាំងក្លាក្នុងការជំរុញវិស័យដឹកជញ្ជូន និងភស្ដុភារកម្មឱ្យកាន់តែទំនើប និងមានភាពរីកចម្រើនថែមមួយកម្រិតទៀត៕


ផ្ទាំងពាណិជ្ជកម្ម
Img 9694
Img 4048
Photo 2022 10 27 10.25.23
Photo 2022 10 27 15.04.39
Khcct banner

អត្ថបទទាក់ទង