Eqm5 on ads news
Alibaba cloud (1)
Photo 2022 10 27 10.25.28
Photo 2022 10 27 15.04.39
Photo 2022 09 21 17.27.20
Photo 2022 08 27 11.03.25
Website cc time banner  1800 x 300px

សិស្សនៅតែបន្ដទិញសៀវភៅវិញ្ញាសារ ទោះបីជាការប្រឡងបាក់ឌុបជិតមកដល់

យុវជន
/
អ្នកយកព័ត៌មាន:
ជួន រស្មី
/
រូបភាព៖ Fresh News

ភ្នំពេញ៖ សាលាបាក់ទូកជាបណ្ដុំនៃការរៀនគួ ក៏ដូចជាការលក់វិញ្ញាសារ ត្រៀមប្រឡងសញ្ញាបត្រមធ្យមសិក្សាទុតិយភូមិ (បាក់ឌុប)។ ទោះបីជាការប្រឡងបាក់ឌុប ខិតជិតមកដល់យ៉ាងណាក្ដី ក៏នៅតែមានសិស្សទិញសៀវភៅ ឬវិញ្ញាសារ។ ជាមួយគ្នា ថតចម្លងវិញ្ញាសារ សម្រាប់ការត្រៀមប្រឡងបាក់ឌុប ដែលប្រព្រឹត្តទៅចាប់ថ្ងៃទី០៥-០៦ ធ្នូ ខាងមុខនេះ។

អាជីវករលក់សៀវភៅ នៅជិតសាលាបាក់ទូកបានឱ្យដឹងថា រាល់ថ្ងៃនេះ ទោះបីជាជិតប្រឡងបាក់ឌុបក្ដី ក៏នៅតែមានសិស្សដែលត្រៀមប្រឡងមកទិញសៀវភៅជាហូហែរ។ ជាពិសេសសៀវភៅ ដែលនៅតែលក់ដាច់នោះ គឺសៀវភៅថ្នាក់វិទ្យាសាស្ដ្រ ដូចជាសៀវភៅគណិតវិទ្យា និងសៀវភៅជីវៈវិទ្យា ជាដើម។

បើតាមអ្នកថតចម្លងឯកសារ នៅជិតសាលាបាក់ទូក នោះដែរ បាននិយាយថា មិនមានសិស្សច្រើនឡើយដែលមកថតចម្លងវិញ្ញាសារ អាចមកពីការប្រឡងជិតមកដល់។ ម្យ៉ាងទៀតនោះ អាចមកពីសិស្សអនុវត្តលំហាត់ ឬវិញ្ញាសារធ្លាប់ចេញពីមុន តាមរយៈការរៀនគួ។

គួរបញ្ជាក់ថា ការប្រឡងបាក់ឌុប ប្រព្រឹត្តទៅក្នុងរយៈពេល ២ថ្ងៃ ចាប់ថ្ងៃទី០៥-០៦ ធ្នូ ហើយក្រសួងកំណត់យកថ្ងៃទី២៧ ធ្នូ ពេលរសៀល សម្រាប់ប្រកាសលទ្ធផលប្រឡងនៅ រាជធានីភ្នំពេញ និងខេត្តកណ្ដាល និងនៅថ្ងៃទី២៨ ធ្នូ សម្រាប់ខេត្ត ផ្សេងៗនៅទូទាំងប្រទេស៕

រូបភាព៖ Fresh News


ផ្ទាំងពាណិជ្ជកម្ម
Img 9694
Img 4048
Photo 2022 10 27 10.25.23
Photo 2022 10 27 15.04.39
Khcct banner

អត្ថបទទាក់ទង