អាហ្រ្វិកកំពុងប្រឈមនឹង«ជំងឺអុតសា្វ»ដោយសារសម្ថតភាពធ្វើតេស្តមានកម្រឹត

WHO៖ កាលពីថ្ងៃទី ៣០ ខែមិថុនា លោកស្រី Machidisso Muti នាយកការិយាល័យប្រចាំតំបន់របស់អង្គការសុខភាពពិភពលោកប្រចាំទ្វីបអាហ្រ្វិក បានសម្តែងការព្រួយបារម្ភអំពីការរីករាលដាលនៃជំងឺអុតស្វានៅអាហ្វ្រិក ដោយសារសម្ថតភាពធ្វើតេស្តមិនគ្រប់គ្រាន់។

យោងតាមទិន្នន័យរបស់អង្គការសុខភាពពិភពលោក គិតត្រឹមថ្ងៃទី ២៨ ខែមិថុនា ករណីសង្ស័យនៃជំងឺអុតស្វាសរុបចំនួន ១,៨២១ ត្រូវបានរាយការណ៍នៅក្នុងប្រទេសអាហ្វ្រិកចំនួន១៣ ដែលក្នុងនោះមានតែ ១០៩ នាក់ប៉ុណ្ណោះដែលត្រូវបានបញ្ជាក់ដោយការធ្វើតេស្តមន្ទីរពិសោធន៍។ ខណៈប្រទេសហ្គាណា ម៉ារ៉ុក និងអាហ្រ្វិកខាងត្បូង ថ្មីៗនេះបានរាយការណ៍ករណីដំបូងនៃជំងឺអុតស្វា។

លោក Ahmed Ogwell Omar នាយកស្តីទីនៃមជ្ឈមណ្ឌលគ្រប់គ្រង និងការពារជំងឺអាហ្រ្វិក បាននិយាយថា ជំងឺអុតស្វានៅក្នុងបណ្តាប្រទេសជាច្រើននៅទ្វីបអាហ្រ្វិក បានធ្វើឱ្យអាហ្រ្វិកស្ថិតក្នុងភាពអាសន្ន ហើយសមត្ថភាពធ្វើតេស្តមិនគ្រប់គ្រាន់បាននាំឱ្យមានករណីសង្ស័យជាច្រើនដែលមិនអាចបញ្ជាក់បាន។

ជំងឺអុតស្វា គឺជាជំងឺទូទៅនៅអាហ្រ្វិកខាងលិច និងកណ្តាល ប៉ុន្តែប្រទេសជាច្រើនទៀត។ កាលពីថ្ងៃទី ២៥ ខែមិថុនា អង្គការសុខភាពពិភពលោកបាននិយាយថា ការផ្ទុះឡើងនូវជំងឺអុតស្វានាពេលថ្មីៗនេះនៅក្នុងប្រទេស និងតំបន់ជាង៥០ មិនបង្កើតជា «ភាពអាសន្នសុខភាពសាធារណៈនៃការព្រួយបារម្ភជាអន្តរជាតិ» នោះទេ។

ទិន្នន័យរបស់អង្គការសុខភាពពិភពលោកបង្ហាញថា វ៉ាក់សាំងជំងឺអុតស្វាយមានប្រសិទ្ធភាព ៨៥% ប្រឆាំងនឹងមេរោគ។ ថ្មីៗនេះ សហរដ្ឋអាមេរិក និងសហភាពអឺរ៉ុប បានបញ្ជាទិញវ៉ាក់សាំងមួយចំនួនធំ ដើម្បីទប់ទល់នឹងជំងឺអុតស្វា៕