ភ្នំពេញ៖ សហព័ន្ធសហភាពកម្ពុជារាជធានីភ្នំពេញ ក្រោមកិច្ចសហប្រតិបត្តិការរវាងសហភាពសហព័ន្ធយុវជនកម្ពុជា ក្រសួងសអប់រំ យុវេជន និងកីឡា និងក្រុមហ៊ុន A.Z.E Innovation Tech Co.,LTD បានដាក់ឱ្យអនុវត្តនូវកម្មវិធីដោយប្រើប្រាស់ «បច្ចេកវិទ្យាប្រើប្រាស់ពីចម្ងាយ» ជូនសិស្សានុសិស្សពីថ្នាកើទី១ដល់ទី១២ រៀនសូត្រដោយឥតគិតថ្លៃនៅទូទាំងព្រះរាជាណាចក្រកម្ពុជា តាមរយៈសេចក្តីប្រកាសនៅថ្ងៃទី១៨ ខែមីនា ឆ្នាំ២០២០។
ស្របតាមសេចក្តីជូនដំណឹងរបស់ក្រសួងអប់រំ យុវជន និងកីឡា ដែលបានចាប់ផ្តើមដាក់ឱ្យចូលវិស្សមកាលតូច និងការឈប់សម្រាកមុនកាលកំណត់ សម្រាប់គ្រិះស្ថានសិក្សាគ្រប់កម្រិត គ្រប់ប្រភេទទាំងសាធារណៈនិងឯកជនទូទាំងប្រទេស ដើម្បីបង្ការ និងទប់ស្កាត់ការរាតត្បាតនៃជំងឺរលាកផ្លូវដង្ហើមដែលបណ្តាលមកពីមេរោគកូវីដ១៩ និងផ្តល់ឱ្យសិស្សានុសិស្សទទួលបានការអប់រំប្រកបដោយចំណេះដឹង សមធម៌ និងគុណភាព តាមប្រព័ន្ធអនឡាញ App E-School Cambodia រយៈពេលពេញ១ឆ្នាំ ២០២០នេះ ដែលនឹងផ្តល់អត្ថប្រយោជន័ជាច្រើនសម្រាប់សិស្ស។
