អូស្ត្រាលីកំពុងប្រឈមនឹងការឆ្លងខ្លាំង ដោយមានករណីអូមីក្រុងលើសពី ១ លាននាក់

ស៊ីដនី៖ នាយករដ្ឋមន្រ្តីអូស្រា្តលីលោក Scott Morrison បាននិយាយកាលពីថ្ងៃចន្ទ ទី១០ ខែមករាថា ការឆ្លងអូមីក្រុងបានកើនឡើងលើសពី ១ លាននាក់ ដោយបានធ្វើឱ្យមានភាពតានតឹងដល់មន្ទីរពេទ្យ និងសង្វាក់ផ្គត់ផ្គង់យ៉ាងខ្លាំង។

ទោះបីជាការបិទខ្ទប់យ៉ាងពេញទំហឹង និងការគ្រប់គ្រងព្រំដែនដ៏តឹងតែងក៏ដោយ ក៏ការរីករាលដាលនៅក្នុងប្រទេសនេះ នៅតែមានការកើនឡើងជាលំដាប់ ពិសេសការកើនឡើងការចូលមន្ទីរពេទ្យ អាជីវកម្មជួបបញ្ហាកង្វះបុគ្គលិក ដោយសារកម្មករវិជ្ជមាន ហើយត្រូវដាក់ឲ្យធ្វើចត្តាឡីស័ក។

លោក Morrison នាយករដ្ឋមន្ត្រីអូស្រ្តាលី បានប្រាប់សន្និសីទសារព័ត៌មាននៅរដ្ឋធានីកង់បេរ៉ាថា លោកបានប្រឈមមុខនឹងសម្ពាធនៅដើមឆ្នាំ ដោយលោកគ្រោងនឹងផ្លាស់ប្តូរច្បាប់ដាក់ឱ្យនៅដាច់ដោយឡែក ដើម្បីអនុញ្ញាតឱ្យមានការងារនៅក្នុងការផលិត និងចែកចាយអាហារ។

លោក Morrison ដែលនឹងដាក់សំណើរបស់គាត់ទៅមេដឹកនាំរដ្ឋនៅក្នុងកិច្ចប្រជុំនៃគណៈរដ្ឋមន្ត្រីជាតិនៅសប្តាហ៍នេះ គ្រោងនឹងពង្រីកការផ្លាស់ប្ដូរជាយថាហេតុ ចំពោះការដឹកជញ្ជូន និងវិស័យសំខាន់ៗផ្សេងទៀត។ លោក បានបន្ថែមថា ទោះបីជាប្រទេសអូស្ត្រាលី កំពុងដោះស្រាយជាមួយនឹងករណីធ្ងន់ធ្ងរក៏ដោយ ក៏ប្រព័ន្ធសុខាភិបាលស្ទើរតែដួលរលំ ដោយមនុស្សជាង ៣,៥០០ នាក់កំពុងសម្រាកនៅមន្ទីរពេទ្យ កើនឡើងពីប្រហែល ២,០០០ ក្នុងមួយសប្តាហ៍មុន។

ទិន្នន័យពីចំនួនសរុបរបស់ Reuters បានបង្ហាញថា ការឆ្លងរបស់ប្រទេសអូស្ត្រាលីបានឆ្លងឡើងដល់ទៅ ១ លាននាក់នៅថ្ងៃចន្ទ ដោយច្រើនជាងពាក់កណ្តាលនៅក្នុងចុងសប្តាហ៍។ រដ្ឋ New South Wales និង Victoria បានរាយការណ៍អំពីករណីថ្មីចំនួន ៥,៥០០០ ករណី៕