Cct850x100 1
1800px x h300px kh

រកឃើញកូវីដ១៩លើកុមារអាមេរិកជាង២០ម៉ឺនករណីក្នុងរយៈពេលតែមួយសប្ដាហ៍

អន្តរជាតិ
/
អ្នកយកព័ត៌មាន:
លី ម៉ាលីង
/

ប្រភពរូប៖ www.orfonline.org

អាមេរិក៖ យោងតាមរបាយការណ៍ចុងក្រោយ ដែលចេញផ្សាយដោយបណ្ឌិតសភាកុមារអាមេរិកបានបង្ហាញថា នៅក្នុងសប្តាហ៍ដែលបញ្ចប់នៅថ្ងៃទី ២៦ ខែសីហា កុមារប្រមាណ ២០៤.០០០ នាក់នៅសហរដ្ឋអាមេរិក ត្រូវបានគេធ្វើតេស្តវិជ្ជមានកូវីដ១៩ ដែលមានចំនួន ២២.៤ % នៃករណីដែលបានបញ្ជាក់នៅសហរដ្ឋអាមេរិកក្នុងមួយសប្តាហ៍។

របាយការណ៍នេះបានបញ្ជាក់ថា នេះគឺជាសប្តាហ៍ទី ២ជាប់ៗគ្នា ខណៈចំនួនករណីកុមារដែលត្រូវបានគេធ្វើរោគវិនិច្ឆ័យថ្មីនៅសហរដ្ឋអាមេរិកបានធ្លាក់ចុះនៅដើមរដូវក្តៅឆ្នាំនេះ ប៉ុន្តែបន្ទាប់មកបានកើនឡើងជាលំដាប់ពី ៣៨.០០០ ករណីនៅក្នុងសប្តាហ៍ដែលបញ្ចប់នៅថ្ងៃទី ២២ ខែកក្កដាដល់ជិត ២០៤.០០០ ករណីកាលពីសប្តាហ៍មុន។

របាយការណ៍បង្ហាញថា គិតត្រឹមថ្ងៃទី ២៦ ខែសីហាកុមារសរុបចំនួនជិត ៤,៨ លាននាក់ត្រូវបានគេធ្វើរោគតេស្តនៅសហរដ្ឋអាមេរិក ហើយមានកុមារចំនួន ១៤,៨% ត្រូវបានបញ្ជាក់នៅសហរដ្ឋអាមេរិក។

ស្ថិតិចុងក្រោយបង្អស់ ដែលចេញផ្សាយដោយសាកលវិទ្យាល័យចនហបឃីននៅសហរដ្ឋអាមេរិកបង្ហាញថាគិតត្រឹមល្ងាចថ្ងៃទី ១ ខែកញ្ញា សហរដ្ឋអាមេរិកមានករណីឆ្លងជំងឺថ្មីចំនួន ៣៩.៣៩ លានករណី និងមានអ្នកស្លាប់សរុបជាង ៦៤២.០០០ នាក់៕

Khcct banner

អត្ថបទទាក់ទង