Cct850x100 1
1800px x h300px kh

ស្រ្តីមានផ្ទៃពោះជនជាតិប្រេស៊ីលម្នាក់បានស្លាប់ដោយសារកូវីដបំលែងថ្មី Delta

អន្តរជាតិ
/
អ្នកយកព័ត៌មាន:
លី ម៉ាលីង
/
ប្រភពរូប៖ សារព័ត៌មានរ៉យទ័រ

ប្រេស៊ីល៖ ក្រសួងសុខាភិបាលប្រេស៊ីលបានប្រកាសកាលពីថ្ងៃអាទិត្យថា ស្ត្រីមានផ្ទៃពោះអាយុ ៤២ ឆ្នាំម្នាក់ដែលបានស្លាប់ដោយសារកូវីដបំលែងថ្មី Delta នៅរដ្ឋ Parana ភាគខាងត្បូង កាលពីខែមេសា ត្រូវបានឆ្លងវីរុស Delta ដែលជាករណីដំបូងបង្អស់របស់ប្រទេសនេះដែលបានឆ្លងជំងឺនេះ។

ស្ត្រីរូបនេះជាករណីទី ២ ដែលត្រូវបានបញ្ជាក់ថាបានឆ្លងកូវីដបំលែងថ្មី Delta នៅរដ្ឋប៉ារ៉ាណា ។ ស្ត្រីរូបនេះបានមកដល់ប្រទេសប្រេស៊ីលពីប្រទេសជប៉ុននៅថ្ងៃទី ៥ ខែមេសា ហើយបានទៅរដ្ឋប៉ារ៉ាណា។ ពីរថ្ងៃក្រោយមកគឺនៅថ្ងៃទី ៧ ខែមេសានាងបានធ្វើតេស្តិ៍វិជ្ជមានសម្រាប់វីរុសកូវីដបំលែងថ្មី Delta នេះ។

នាងបានចាប់ផ្តើមទទួលការព្យាបាលនៅក្នុងមន្ទីរពេទ្យចាប់តាំងពីថ្ងៃទី ១៥ ខែមេសា និងបានទទួលការវះកាត់សង្គ្រោះបន្ទាន់នៅថ្ងៃទី ១៨ ខែមេសា បន្ទាប់ពីស្ថានភាពជំងឺរបស់នាងប្រែទៅជាអាក្រក់បំផុត ដែលបានធ្វើឲ្យនាងបានស្លាប់ភ្លាមៗបន្ទាប់ពីការវះកាត់។

ប្រទេសប្រេស៊ីលកំពុងជួបប្រទះនូវរលកថ្មីនៃការឆ្លងនេះ មន្ទីរពេទ្យដែលគ្របដណ្ដប់ដោយអ្នកជំងឺមានអត្រាមរណភាព ២៤៤ នាក់ក្នុងចំណោមប្រជាជន ១០០.០០០ នាក់។

ក្រសួងបាននិយាយកាលពីថ្ងៃអាទិត្យថា ប្រទេសប្រេស៊ីលបានចុះបញ្ជីករណីស្លាប់បន្ថែមទៀតចំនួន ៧៣៩ នាក់ពីកូវីដ១៩ ក្នុងរយៈពេល ២៤ ម៉ោងកន្លងមកដែលនាំឱ្យចំនួនអ្នកស្លាប់សរុបដល់ ៥១៣.៤៧៤ នាក់។

ក្រសួងបាននិយាយថាការឆ្លងថ្មីចំនួន ៣៣.៧០៤ ត្រូវបានគេរកឃើញក្នុងរយៈពេល ២៤ ម៉ោងដែលបង្កើនចំនួនសរុបដល់ ១៨.៤២០.៥៩៨ ហើយអ្នកជំងឺ ១៦.៦១៣.៩៩២ នាក់បានជាសះស្បើយពីការឆ្លងនេះ៕

Khcct banner

អត្ថបទទាក់ទង