ជប៉ុន៖ តម្លៃស៊ុតកំពុងបន្តកើនឡើងនៅទូទាំងប្រទេសជប៉ុន ដោយសារប្រទេសនេះកំពុងដោះស្រាយជាមួយនឹងការផ្ទុះជំងឺផ្តាសាយបក្សីថ្មីចាប់តាំងពីឆ្នាំកន្លងទៅ។
តម្លៃស៊ុតជាមធ្យមបានឡើងដល់ ២៦០ យ៉េន (ប្រហែល ២,៤ ដុល្លារសហរដ្ឋអាមេរិក) ក្នុងមួយគីឡូក្រាម នៅផ្សារលក់ដុំនៅទីក្រុងតូក្យូកាលពីថ្ងៃពុធ ដែលជាការកើនឡើងជាង ១០០ ភាគរយចាប់ពីដើមឆ្នាំ និងខ្ពស់បំផុតក្នុងរយៈពេលជាង ៧ ឆ្នាំ។
គ្រួសារជាច្រើនកំពុងតស៊ូ ដើម្បីទប់ទល់នឹងការឡើងថ្លៃស៊ុត ធ្វើឲ្យភោជនីយដ្ឋានក៏កំពុងទទួលរងសម្ពាធក្នុងការចំណាយច្រើនជាងចំណូល ដោយសារវិធានការបិទខ្ទប់ដើម្បីការពារកូវីដ១៩ ដែលបានរារាំងអតិថិជនមិនឱ្យទៅភោជនីយដ្ឋាន។
ប្រទេសជប៉ុនត្រូវបានគេរាយការណ៍ថា បានជ្រើសរើសសត្វបក្សីជិត ១០ លានក្បាលនៅទូទាំងប្រទេសដើម្បីដោះស្រាយការផ្ទុះឡើងនៃជំងឺផ្ដាសាយបក្សីនៅក្នុងប្រទេស ចាប់តាំងពីករណីដំបូងត្រូវបានបញ្ជាក់នៅក្នុងខែវិច្ឆិកាឆ្នាំ ២០២០ ដោយបានតម្លៃស៊ុតនិងមាន់បានឡើងយ៉ាងលឿន ខណៈការផ្គត់ផ្គង់ធ្លាក់ចុះ។
ជំងឺផ្តាសាយបក្សីបានរាលដាលដល់កសិដ្ឋានចិញ្ចឹមសត្វចំនួន ៥២ នៅក្នុងខេត្តចំនួន ១៨ នៅប្រទេសជប៉ុន។ ក្នុងនោះខេត្តChiba ដែលជាអ្នកផលិតពងមាន់ធំជាងគេទី ២ របស់ប្រទេសនេះ បានរងផលប៉ះពាល់ខ្លាំងបំផុតដោយសារតែផលិតកម្មស៊ុតបានធ្លាក់ចុះជិត ៤០ ភាគរយ។
អ្នកវិភាគព្យាករណ៍ថា តម្លៃស៊ុតត្រូវបានគេរំពឹងថានឹងនៅតែខ្ពស់រហូតដល់រដូវស្លឹកឈើជ្រុះដោយសារតែការផ្គត់ផ្គង់មានកំណត់៕
