Cct850x100 1
1800px x h300px kh

ក្រុមអ្នកតវ៉ាមីយ៉ាន់ម៉ាថាពួកគេបានកម្ទេចមូលដ្ឋានយោធានៅជិតព្រំដែនថៃ

អន្តរជាតិ
/
អ្នកយកព័ត៌មាន:
លី ម៉ាលីង
/
ប្រភពរូប៖ Bangkok Post

មីយ៉ាន់ម៉ា៖ ក្រុមជនជាតិភាគតិចមួយក្រុម បានវាយប្រហារនិងដុតបំផ្លាញមូលដ្ឋានយោធាមួយនៅភាគខាងកើតប្រទេសមីយ៉ាន់ម៉ាក្បែរព្រំដែនជាមួយខេត្ត Mae Hong Son ប្រទេសថៃនៅព្រឹកថ្ងៃអង្គារនេះ។ នេះបើយោងតាមសារព័ត៌មាន Bangkok Post ។

ប្រទេសមីយ៉ាន់ម៉ាបានស្ថិតក្នុងភាពច្របូកច្របល់ចាប់តាំងពីយោធាបានបណ្តេញមេដឹកនាំស៊ីវិលលោកស្រី អ៊ុងសាន ស៊ូជី នៅក្នុងរដ្ឋប្រហារថ្ងៃទី ១ ខែកុម្ភៈ ដែលបណ្តាលឱ្យមានការបះបោរ និងបានឃើញកងកម្លាំងសន្តិសុខកើនឡើងសម្រាប់ការបង្ក្រាបយ៉ាងសាហាវប្រឆាំងនឹងក្រុមបាតុករ។

ចលនាប្រឆាំងរដ្ឋប្រហារបានទទួលការគាំទ្រយ៉ាងទូលំទូលាយនៅទូទាំងប្រទេសរួមទាំងក្រុមបះបោរប្រដាប់អាវុធមួយចំនួន ដែលបានប្រយុទ្ធប្រឆាំងនឹងយោធា ដើម្បីស្វ័យភាពបន្ថែមទៀត។ ក្រុមមួយក្នុងចំណោមអ្នកប្រឆាំងខ្លាំងបំផុត គឺសហភាពជាតិខារេន (Karen National Union) បានប៉ះទង្គិចគ្នាជាមួយយោធានៅក្នុងទឹកដីរបស់ពួកគេ នៅតាមបណ្តោយព្រំដែនភាគខាងកើតប្រទេសមីយ៉ាន់ម៉ា អស់រយៈពេលជាច្រើនសប្តាហ៍។

នៅថ្ងៃអង្គារ៍នេះ ការប្រយុទ្ធគ្នាបានផ្ទុះឡើង នៅក្នុងរដ្ឋខារេនជិតដងទន្លេ Salween ដោយមានប្រជាជននៅខាងថៃរាយការណ៍ថា បានលឺស្នូរកាំភ្លើងនិងការផ្ទុះចេញពីខាងក្នុងប្រទេសមីយ៉ាន់ម៉ា៕

Khcct banner

អត្ថបទទាក់ទង