អឺរ៉ុប៖ លោក Hervé Bléjean អគ្គនាយកបុគ្គលិកយោធាអឺរ៉ុប ជាផ្នែកមួយនៃបញ្ជារការរបស់អង្គភាព អង្គការណាតូ (NATO) បានហៅទូរសព្ទទៅកាន់មេដឹកនាំយោធាភូមា ឱ្យបញ្ឈប់ការសម្លាប់ពលរដ្ឋខ្លួន ដោយឱ្យអនុវត្តន៍ឡើងវិញ នូវគោលការប្រជាធិបតេយ្យ និងគោរពឆន្ទ:ម្ចាស់ឆ្នោត។ នេះជាការទាក់ទងលើកដំបូងជាមួយយោធាចាប់តាំងពីរដ្ឋប្រហារកាលពីថ្ងៃទី ១ កុម្ភៈ ដែលសហភាពអឺរ៉ុបថ្កោលទោសក្នុងលក្ខខណ្ឌនេះខ្លាំងបំផុត។
លោក Hervé Bléjean បានជំរុញឱ្យអាជ្ញាធរយោធាបញ្ឈប់រាល់អំពើហឹង្សាទាំងអស់និងអនុវត្តការអត់ធ្មត់បំផុតក្នុងការដោះស្រាយការតវ៉ា ដើម្បីចៀសវាងគ្រោះថ្នាក់និងការគោរពច្បាប់អន្តរជាតិ។ លោកបានសង្កត់ធ្ងន់ថារាល់ការកើនឡើងបន្ថែមទៀតត្រូវតែជៀសវាង។ ពីព្រោះតួនាទីរបស់យោធាណាមួយគួរតែជាការការពារប្រជាជន។
លោក Bléjean បានទទូចលើសារៈសំខាន់នៃការស្តារស្ថិរភាពនិងលទ្ធិប្រជាធិបតេយ្យឡើងវិញជាមួយនឹងការគ្រប់គ្រងស៊ីវិលស្របច្បាប់នៅក្នុងប្រទេសមីយ៉ាន់ម៉ារួមទាំង ជៀសវាងការធ្លាក់ចុះនៃស្ថានភាពសេដ្ឋកិច្ចសង្គម ដែលកំពុងមានការលំបាកនៅក្នុងប្រទេសមីយ៉ាន់ម៉ា។ ដើម្បីសំរេចគោលដៅនេះលោកបានជំរុញឱ្យអាជ្ញាធរយោធាដោះលែងមេដឹកនាំដែលបានជាប់ឆ្នោតលោកស្រី អ៊ុង សានស៊ូជី តាមបែបប្រជាធិបតេយ្យរបស់ប្រទេស ព្រមទាំងអ្នកជាប់ឃុំឃាំងនយោបាយដទៃទៀតដោយមានគោលបំណងចូលរួមក្នុងការសន្ទនានយោបាយដែលមានលក្ខណៈចូលរួមជាមួយអ្នកពាក់ព័ន្ធទាំងអស់៕
