Cct850x100 1

ក្រសួងការបរទេសកម្ពុជា លើកទឹកចិត្តឱ្យមន្ត្រីធ្វើការពីផ្ទះ ដើម្បីការពារឆ្លងកូវីដ-១៩

សង្គម
/
អ្នកយកព័ត៌មាន:
ស៊ីស៊ីថាសម៍
/
ប្រាក់ សុខុន រដ្ឋមន្រ្តីការបរទេស និង សហប្រតិបត្តិការអន្តរជាតិកម្ពុជា។

ភ្នំពេញ៖ រដ្ឋមន្ត្រីក្រសួងការបរទេសកម្ពុជា លោក ប្រាក់ សុខុន បានចេញនូវសេចក្តីណែនាំផ្ទាល់មាត់ចំនួន ៤ ដល់មន្ត្រីនៃក្រសួងការបរទេសកម្ពុជា ដើម្បីការពារការឆ្លងកូវីដ-១៩។ក្នុងសេចក្តីណែនាំនោះ លោកបានលើកទឹកចិត្តដល់មន្ត្រីនិងបុគ្គលិកក្រសួងការបរទេសមួយចំនួនធ្វើការពីផ្ទះ លើកលែងតែអ្នកដែលចាំបាច់ត្រូវទៅកន្លែងតែប៉ុណ្ណោះ។

ជាមួយគ្នានោះ រដ្ឋមន្ត្រីក្រសួងការបរទេសកម្ពុជា ក៏បានណែនាំដល់មន្ត្រីអ្នកទាំងឡាយណាដែលទើបត្រឡប់មកពីបេសកកម្មវិញ ជាពិសេសពីប្រទេសដែលមានការរាលដាលនៃការឆ្លងខូវិដ ១៩ ត្រូវតែដាក់ខ្លួនឯងអោយនៅដាច់ដោយឡែក ( Self Isolation ) ចំនួន ១៤ថ្ងៃ គិតចាប់ពីថ្ងៃដែលមកដល់កម្ពុជា។ហើយបេសកកម្មទាំងឡាយដែលនឹងត្រូវចេញទៅប្រទេសដែលកើតជំងឺខូវិដ ១៩ គឺត្រូវផ្អាកក្នុងរយៈពេលមួយខែ លើកលែងតែករណីដែលចាំបាច់បំផុត និង ដែលត្រូវតែមានការអនុញ្ញាតពីរដ្ឋមន្ត្រីក្រសួងការបរទេសផ្ទាល់ ។

ត្រូវផ្អាកជួបភ្ញៀវបរទេស ហើយប្រសិនបើចាំបាច់ខានមិនបាន គឺមិនត្រូវចាប់ដៃជាដាច់ខាត ដោយគ្រាន់តែសំពះបានហើយ និងត្រូវនៅរក្សាចម្ងាយមួយម៉ែត្រកន្លះពីភ្ញៀវ ។ បន្ថែមពីនេះ ត្រូវលាងដៃពេលចេញចូលជានិច្ច៕

ពាក្យទាក់ទង: កូរ៉ូណា​
Khcct banner

អត្ថបទទាក់ទង