ប្រេស៊ីកោះហៅទូតរបស់ខ្លួនត្រឡប់ចូលប្រទេស ក្រោយមានបញ្ហាជាមួយអ៊ីស្រាអែល

ប្រស៊ីល៖ ប្រធានាធិបតីប្រេស៊ីលលោក Luiz Inacio Lula da Silva បានប្រកាសហៅរដ្ឋទូតប្រេស៊ីលត្រឡប់ចូលប្រទេសវិញជាបន្ទាន់បន្ទាប់ពីមានជម្លោះកាទូតជាមួយប្រទេសអ៊ីស្រាអែល។ ជម្លោះកាទូតរវាងអ៊ីស្រាអែល និងប្រស៊ីលកើតឡើងបន្ទាប់ពីលោក Luiz Inacio Lula da Silva បានប្រៀបធៀបសង្រ្គាមរបស់អ៊ីស្រាអែលលើតំបន់ហ្គាហ្សាទៅនឹងការសម្លាប់រង្គាលជានជាប៉ាឡេស្ទីន។

អ៊ីស្រាអែលនិយាយថា ប្រធានាធិបតីប្រេស៊ីល Luiz Inacio Lula da Silva មិនត្រូវបានស្វាគមន៍នៅក្នុងប្រទេសអ៊ីស្រាអែលទៀតឡើយបន្ទាប់ពីលោក លោក Silva បានអះអាងថាអ្វីដែលកំពុងកើតឡើងនៅតំបន់ហ្គាហ្សាស្ទ្រីបជាមួយប្រជាជនប៉ាឡេស្ទីនគឺជារឿងដែលអ៊ីស្រាអែលធ្វើក្នុងគោលបំណងសម្លាប់រង្គាល ដូចដែលហ្លីត្លែបានផ្តាច់ពូជជនជាតិជីហ្វអញ្ចឹង។ ការអះអាងរបស់លោកបែបនេះបានធ្វើឲ្យអ៊ីស្រាអែលខឹងសម្បារជាខ្លាំងហើយបង្កឲ្យមានជម្លោះកាទូតរវាងប្រទេសទាំងពីរភ្លាមៗ។

នាយករដ្ឋមន្ត្រីអ៊ីស្រាអែលលោក Benjamin Netanyahu បានពណ៌នាការអត្ថាធិប្បាយរបស់ Lula ថាជារឿងគួរឲ្យអាម៉ាស់ និងមិនហេតុផលពិតប្រាកដ។ រដ្ឋមន្ត្រីការបរទេសអ៊ីស្រាអែល Israel Katz បានប្រកាសថាលោក Lula មិនត្រូវបានស្វាគមន៍នៅក្នុងប្រទេសមជ្ឈិមបូព៌ាទេ រហូតដល់គាត់ទទួលស្គាល់កំហុសរបស់គាត់វិញ៕