ចិន៖ ក្រុមយោធារំដោះប្រជាជន (PLA) នៅក្នុងតំបន់រដ្ឋបាលពិសេសហុងកុង (HKSAR) បានធ្វើសមយុទ្ធយោធារួមគ្នានៃកងកំលាំងប្រដាប់អាវុធដែនដី សមុទ្រនិង អាកាសដើម្បីបង្កើនសមត្ថភាពការពាររបស់កងទ័ព។
សមយុទ្ធដែនដី អាកាសនិងសមុទ្ររួមមាន ល្បាតស្វែងរករួមគ្នាប្រតិបត្ដិការជួយសង្គ្រោះនិងសមយុទ្ធក្នុងការស្ទាក់ចាប់នាវាដែលសង្ស័យ។
នៅក្នុងសមយុទ្ធកងកម្លាំងទាំងបីបានធ្វើលំហាត់សមយុទ្ធទៀងទាត់ជាប្រចាំនិងស្វែងរកមធ្យោបាយយ៉ាងសកម្ម ដើម្បីដោះស្រាយបញ្ហាដែលមាននៅក្នុងបញ្ជា ការទំនាក់ទំនង ការសម្របសម្រួល និងការគាំទ្រខាងដឹកនាំភស្តុភារនៅក្នុងសមយុទ្ធរួមគ្នាផងដែរ។
ក្រុមយោធា PLA បាននិយាយថាក្រុមយោធនេះ ត្រូវបានអនុវត្តដោយច្បាប់និងបទប្បញ្ញត្តិក្នុងស្រុកហើយបានជូនដំណឹងដល់រដ្ឋាភិបាល HKSAR ជាមុននៃសមយុទ្ធនេះ៕