Foton on ads news final
Cct850x100 1
Cc time 1800 x 300
San house

នាយករដ្ឋមន្ត្រីអង់គ្លេស Boris Johnson លាលែងពីតំណែង

អន្តរជាតិ
/
អ្នកយកព័ត៌មាន:
ស៊ីស៊ីថាមស៍
/
នាយករដ្ឋមន្ត្រីអង់គ្លេស Boris Johnson។រូបភាព៖ DW

អង់គ្លេស៖ នាយករដ្ឋមន្ត្រីអង់គ្លេស Boris Johnson នៅថ្ងៃទី ៧ កក្កដានេះ បានប្រកាសលាលែងពីតំណែងជានាយករដ្ឋមន្ត្រីអង់គ្លេស។ការប្រកាសនេះ ធ្វើឡើងបន្ទាប់ពីលោកត្រូវបានរដ្ឋមន្ត្រី និងសមាជិកសភានៃគណបក្សអភិរក្សរបស់លោកបោះបង់ចោស ក្រោយមិនពេញចិត្តក្នុងការដឹកនាំប្រទេសនៅអឺរ៉ុបមួយនេះ។

ប្រទេសអង់គ្លេសនឹងត្រូវជ្រើសរើសមេដឹកនាំថ្មី ដែលដំណើរការមួយអាចប្រើពេលប្រហែលពីរខែ ខណៈវាសនារបស់លោក Boris Johnson នឹងឬអាចបន្តនៅក្នុងតួនាទីជាអ្នកចាំផ្ទះឬយ៉ាងណានោះនៅមិនទាន់ច្បាស់។

សមាជិកសភាអភិរក្សនិយម បានអះអាងថា ការលាលែងពីតំណែងជាមេដឹកនាំគណបក្ស នាយករដ្ឋមន្ត្រីត្រូវតែលាលែងពីតំណែងរបស់លោក Boris Johnson ។ បន្ទាប់ពីបាត់បង់រដ្ឋមន្ត្រីជាច្រើនរូប Boris Johnson បានបាត់បង់ការទុកចិត្ត និងសិទ្ធិអំណាចដែលតម្រូវឱ្យបន្តទៅមុខទៀត។

គួរបញ្ជាក់ថា លោក Boris Johnson គឺជាអតីតរដ្ឋមន្ត្រីក្រសួងការបរទេស តែលោកសម្រេចសុំលាលែងពីតំណែង ពីព្រោះតែមិនពេញចិត្តនឹងដំណោះស្រាយស្តីពីការចាកចេញពីអឺរ៉ុប របស់លោកស្រីនាយករដ្ឋមន្ត្រី Theresa May។នៅឆ្នាំ២០១៩ សមាជិកបក្សអភិរក្សនិយមអង់គ្លេស បានបោះឆ្នោតផ្ទៃក្នុងបក្ស សម្រេចជ្រើសរើសយកលោក Boris Johnson ធ្វើជាបេក្ខជននាយករដ្ឋមន្ត្រីថ្មីរបស់អង់គ្លេស។

លោក Boris Johnson គឺជាអ្នកនយោបាយដែលរៀនចេញពីOxford សាលាល្បីរបស់អង់គ្លេស។ លោកកើត នៅញូវយក សហរដ្ឋអាមេរិក ក្នុងត្រកូលអភិជន។ប៉ុន្តែលោក ត្រូវបានសារព័ត៌មានមួយចំនួនបានចុះផ្សាយថា ពោរពេញដោយរឿងអាស្រូវ បានប្រព្រឹត្តចំណងស្នេហាជាមួយអ្នកកាសែតស្រីម្នាក់ ដល់មានផ្ទៃពោះ និងត្រូវយកកូនចេញ ជាមន្ត្រីដែលចាយវាយកញ្ចប់ថវិកាខ្ជះខ្ជាយច្រើន ហើយនិងធ្លាប់ជាអ្នកនយោបាយកុហកបោកប្រាស់៕

Khcct banner

អត្ថបទទាក់ទង