Cc time
Cct850x100 1
Itt 0  web banner

រុស្ស៊ីនឹងបណ្ដេញមន្ត្រីការទូតអាមេរិកមួយចំនួនចេញ

អន្តរជាតិ
/
អ្នកយកព័ត៌មាន:
លី ម៉ាលីង
/
រុស្ស៊ីនឹងបណ្ដេញមន្ត្រីការទូតអាមេរិកមួយចំនួនចេញ ប្រភពរូប៖ ស៊ីនហួរ

រុស្ស៊ី៖ ទីភ្នាក់ងារព័ត៌មាន Interfax របស់រុស្ស៊ី បានរាយការណ៍នៅមុនថ្ងៃ ដែលក្រសួងការបរទេសរុស្ស៊ីបានជូនណឹងដល់ស្ថានទូតអាមេរិកថា ខ្លួននឹងបណ្តេញអ្នកការទូតអាមេរិកជាច្រើនរូប ដើម្បីឆ្លើយតបនឹងការបណ្តេញសមាជិកនៃបេសកកម្មអចិន្ត្រៃយ៍របស់រុស្ស៊ីនៅអង្គការសហប្រជាជាតិ។

ក្រសួងការបរទេសអាមេរិក បានបញ្ជាក់កាលពីថ្ងៃទី ២៣ ខែមីនាថា ស្ថានទូតអាមេរិកប្រចាំនៅប្រទេសរុស្ស៊ីបានទទួលបញ្ជីឈ្មោះមន្ត្រីការទូតនៅថ្ងៃតែមួយ នោះមានន័យថា មនុស្សដែលនៅក្នុងបញ្ជីនឹងត្រូវបណ្ដេញចេញ។

កាលពីថ្ងៃទី ២៨ ខែកុម្ភៈ រដ្ឋាភិបាលសហរដ្ឋអាមេរិកបានប្រកាសបណ្តេញសមាជិកចំនួន ១២ នាក់នៃបេសកកម្មអចិន្ត្រៃយ៍របស់រុស្ស៊ីនៅអង្គការសហប្រជាជាតិ។ រុស្ស៊ីជឿថា សកម្មភាពរបស់អាមេរិកបានបំពានយ៉ាងធ្ងន់ធ្ងរម្តងទៀតលើកិច្ចព្រមព្រៀងស្តីពីទីស្នាក់ការអង្គការសហប្រជាជាតិ និងអនុសញ្ញាទីក្រុងវីយែន។

ទីភ្នាក់ងារព័ត៌មាន Interfax បានរាយការណ៍ថា “ភាគីរុស្ស៊ីបានប្រាប់ភាគីអាមេរិកយ៉ាងច្បាស់ថា រាល់សកម្មភាពអរិភាពណាមួយរបស់ភាគីអាមេរិកប្រឆាំងនឹងរុស្ស៊ីនឹងនាំទៅរកការឆ្លើយតបប្រកបដោយភាពម៉ឺងម៉ាត់ និងទៅវិញទៅមក”។

សារព័ត៌មាន រ៉យទ័រ បានដកស្រង់សម្តីអ្នកនាំពាក្យក្រសួងការបរទេសអាមេរិកដែលនិយាយថា "យើងអាចបញ្ជាក់បានថាស្ថានទូតអាមេរិកក្នុងប្រទេសរុស្ស៊ី បានទទួលបញ្ជីអ្នកការទូតពីក្រសួងការបរទេសរុស្ស៊ីកាលពីថ្ងៃទី ២៣ ខែមីនាដោយប្រកាសពួកគេថា "បុគ្គលដែលមិនគោរព" ។

ទាំង Interfax និងក្រសួងការបរទេសអាមេរិកមិនបាននិយាយថា តើពេលណា និងចំនួនអ្នកការទូតរុស្ស៊ីនឹងបណ្តេញចេញនោះទេ។

អ្នកនាំពាក្យក្រសួងការបរទេសអាមេរិកលោក Ned Price បាននិយាយកាលពីថ្ងៃទី ២៣ ថា ប្រសិនបើរុស្ស៊ីដាក់កំហិតបន្ថែមទៀតលើបុគ្គលិកការទូតអាមេរិកនៅក្នុងប្រទេសរុស្ស៊ីនោះ ស្ថានទូតអាមេរិកនឹងពិបាកក្នុងការប្រតិបត្តិការ៕

Khcct banner

អត្ថបទទាក់ទង