ស្រីលង្កា៖ មនុស្សយ៉ាងហោចណាស់ពីរនាក់ បានស្លាប់ពេលកំពុងរង់ចាំយកប្រេងឥន្ធនៈ ដោយអ្នកទាំងពីរត្រូវបានគេដឹងថា មានអាយុប្រហែល ៧០ ឆ្នាំ។ នេះបើតាមការបញ្ជាក់របស់មន្ត្រី បាននិយាយកាលពីថ្ងៃអាទិត្យ ដោយសារកង្វះខាតប្រេង បណ្តាលឱ្យមានទុក្ខព្រួយ និងការលំបាកពាសពេញប្រទេសកោះនេះ។
អ្នកបើកបររថយន្តត្រូវបង្ខំចិត្តរង់ចាំរាប់ម៉ោងនៅខាងក្រៅស្ថានីយ៍ប្រេងឥន្ធនៈ ហើយរដ្ឋាភិបាលបានដាក់ការដាច់ចរន្តអគ្គិសនី ដោយសារឧបករណ៍ប្រើប្រាស់ថាមពលមិនអាចចំណាយសម្រាប់ប្រេងបរទេសគ្រប់គ្រាន់ដើម្បីបំពេញតម្រូវការ ហើយតម្លៃហ្គាស និងប្រេងក៏បន្តឡើងថ្លៃផងដែរ។
វាជាការស្លាប់លើកទីពីរហើយក្នុងរយៈពេលជាច្រើនថ្ងៃ បន្ទាប់ពីបុរសចំណាស់ម្នាក់ទៀត បានដួលនៅ Kandy ខណៈពេលដែលកំពុងរង់ចាំប្រេងឥន្ធនៈ ដើម្បីប្រើប្រាស់។
ប្រទេសស្រីលង្កា បាននឹងកំពុងប្រឈមមុខនឹងវិបត្តិសេដ្ឋកិច្ចដ៏អាក្រក់បំផុតមិនធ្លាប់មានរបស់ខ្លួនក្នុងនាមជាប្រទេសឯករាជ្យមួយ ជាមួយនឹងរូបិយប័ណ្ណបរទេសតិចតួច ដើម្បីទិញទំនិញសំខាន់ៗ ឬការនាំចូល។ ពេលនេះ ស្រីលង្កា កំពុងស្វែងរកថវិកាសង្គ្រោះរបស់ IMF ដែលអាចធ្វើទៅបាន បន្ទាប់ពីមានការតវ៉ាដោយហិង្សា៕
