Cc time
Cct850x100 1
Itt 0  web banner

អារ៉ាប៊ីសាអូឌីតថាការវាយប្រហាររបស់ក្រុមឧទ្ទាមនឹងមិនប៉ះពាល់ដល់ការផ្គត់ផ្គង់ថាមពលទេ

អន្តរជាតិ
/
អ្នកយកព័ត៌មាន:
លី ម៉ាលីង
/
អារ៉ាប៊ីសាអូឌីតថាការវាយប្រហាររបស់ក្រុមឧទ្ទាមនឹងមិនប៉ះពាល់ដល់ការផ្គត់ផ្គង់ថាមពលទេ ប្រភពរូប៖​ ស៊ីនហួរ

អារ៉ាប៊ីសាអូឌីត៖ ក្រុមឧទ្ទាម ហូធី (Houthis) របស់យេម៉ែន បានបើកការវាយប្រហារជាបន្តបន្ទាប់ដោយមីស៊ីល និងដ្រូន ទៅលើកន្លែងផលិតថាមពលរបស់អារ៉ាប៊ីសាអូឌីត ចាប់ពីយប់ថ្ងៃទី ១៩ ដល់ថ្ងៃទី ២០ ។ អារ៉ាប៊ីសាអូឌីត Aramco បានបញ្ជាក់នៅថ្ងៃទី ២០ ថាការវាយប្រហារនឹងមិនប៉ះពាល់ដល់ការផ្គត់ផ្គង់ថាមពលទេ។ នេះបើយោងតាមទីភ្នាក់ងារព័ត៌មានស៊ីនហួរ។

អ្នកនាំពាក្យក្រុម ហូធី លោក Yahya Sarea បាននិយាយថា ដំបូងក្រុមនេះ បានបាញ់មីស៊ីល និងការវាយប្រហារដោយដ្រូននៅមូលដ្ឋានរបស់ Saudi Aramco ក្នុងរដ្ឋធានីរីយ៉ាដ យ៉ាន់បូ និងតំបន់ផ្សេងទៀត មុនពេលកំណត់គោលដៅផ្នែកផ្សេងទៀតនៃប្រទេសដើម្បីវាយប្រហារ។

កងកម្លាំងចម្រុះដឹកនាំដោយអារ៉ាប៊ីសាអូឌីត ប្រយុទ្ធប្រឆាំងនឹងកុ្រម ហូធី បាននិយាយកាលពីថ្ងៃទី ២០ ថា ការវាយប្រហារ និងការស្ទាក់ចាប់មីស៊ីលមិនបណ្តាលឱ្យមានអ្នករងរបួសនោះទេ ប៉ុន្តែបានខូចខាតសម្ភាររោងចក្រមួយចំនួន។

ក្រុមចម្រុះបាននិយាយថា ពួក ហូធី បានកំណត់គោលដៅរោងចក្រ desalination នៅ Shaqqq ស្ថានីយ៍ចែកចាយថាមពលនៅ Jazan ស្ថានីយ៍ថាមពលនៅ Dhahran Janub និងស្ថានីយ៍ថាមពលនៅ Khamis Mushait ដែលជាកន្លែងឧស្ម័នធម្មជាតិ និងរោងចក្រ LNG នៅ យ៉ាន់បូ។

រូបថត និងវីដេអូដែលចេញផ្សាយដោយប្រព័ន្ធផ្សព្វផ្សាយអារ៉ាប៊ីសាអូឌីតបង្ហាញថា រថយន្ត និងអគារនានាបានរងការខូចខាតនៅកន្លែងកើតហេតុ ហើយបំណែកមីស៊ីលមួយចំនួនត្រូវបានរាយប៉ាយនៅលើដី ហើយអ្នកពន្លត់អគ្គីភ័យជាច្រើននាក់កំពុងបាញ់ពន្លត់នៅកន្លែងកើតហេតុ។

ក្រុមចម្រុះបាននិយាយថា ការការពារដែនអាកាសអារ៉ាប៊ីសាអូឌីតបានស្ទាក់ចាប់ និងបំផ្លាញមីស៊ីលផ្លោងមួយ និងដ្រូន ៩ គ្រឿង។

ក្រុម ហូធី បានដណ្តើមកាន់កាប់រដ្ឋធានី Sanaa របស់ប្រទេសយេម៉ែននៅក្នុងឆ្នាំ ២០១៤ ហើយបន្ទាប់មកបានកាន់កាប់ភាគខាងត្បូងប្រទេសយេម៉ែន។ នៅខែមីនា ឆ្នាំ ២០១៥ អារ៉ាប៊ីសាអូឌីតបានដឹកនាំការបង្កើតក្រុមចម្រុះចម្រុះជាតិសាសន៍ ដើម្បីចាប់ផ្តើមប្រតិបត្តិការយោធាដែលមានឈ្មោះថា "Decisive Storm" ប្រឆាំងនឹងក្រុម ហូធី ។

នៅខែធ្នូ ឆ្នាំ ២០១៨ ក្រោមការសម្របសម្រួលរបស់អង្គការសហប្រជាជាតិ រដ្ឋាភិបាលយេម៉ែន និងក្រុម ហូធី បានឈានដល់កិច្ចព្រមព្រៀងមួយស្តីពីលក្ខខណ្ឌដូចជា បទឈប់បាញ់ និងការផ្លាស់ប្តូរអ្នកទោសសង្គ្រាម ប៉ុន្តែភាគីទាំងពីរបានចោទប្រកាន់គ្នាទៅវិញទៅមកថា បានរំលោភលើកិច្ចព្រមព្រៀងបទឈប់បាញ់៕

Khcct banner

អត្ថបទទាក់ទង