Cc time
Cct850x100 1
Itt 0  web banner

អ៊ីតាលីនឹងបន្ថែមពន្ធលើក្រុមហ៊ុនថាមពលដើម្បីដោះស្រាយបញ្ហាតម្លៃថាមពលខ្ពស់

អន្តរជាតិ
/
អ្នកយកព័ត៌មាន:
លី ម៉ាលីង
/
អ៊ីតាលីនឹងបន្ថែមពន្ធលើក្រុមហ៊ុនថាមពលដើម្បីដោះស្រាយបញ្ហាតម្លៃថាមពលខ្ពស់ ប្រភពរូប៖ ស៊ីនហួរ

អ៊ីតាលី៖ រដ្ឋាភិបាលអ៊ីតាលី បានអនុម័តក្រឹត្យមួយកាលពីថ្ងៃទី១៨ ដើម្បីជួយប្រជាជន និងក្រុមហ៊ុននានា ទប់ទល់នឹងតម្លៃថាមពលខ្ពស់ ជាមួយនឹងវិធានការមួយចំនួន រួមទាំងបន្ថែមពន្ធលើ "ប្រាក់ចំណេញ" របស់ក្រុមហ៊ុនថាមពល។

កញ្ចប់នេះមានតម្លៃសរុប ៤.៤ ពាន់លានអឺរ៉ូ ដែលផ្តល់មូលនិធិ ដោយពន្ធបន្ថែមលើក្រុមហ៊ុនថាមពល ក្នុងចំណោមរបស់ផ្សេងទៀត។ យោងតាមសារព័ត៌មាន Reuters បានឱ្យដឹងថា រដ្ឋាភិបាលនឹងយកពន្ធតែមួយដងចំនួន ១០ ភាគរយលើប្រាក់ចំណេញបន្ថែម ដែលធ្វើឡើងដោយក្រុមហ៊ុនថាមពលក្នុងរយៈពេល៦ខែ កន្លងមកនេះ។

នាយករដ្ឋមន្ត្រីអ៊ីតាលី លោក Mario Draghi បានប្រាប់អ្នកសារព័ត៌មានបន្ទាប់ពីកិច្ចប្រជុំគណៈរដ្ឋមន្ត្រីថា រដ្ឋាភិបាលបានចាត់វិធានការសំខាន់ៗ ដើម្បីដោះស្រាយ "ផលវិបាក" នៃស្ថានភាពនៅអ៊ុយក្រែន សម្រាប់ប្រទេសអ៊ីតាលី តាមរយៈ "ការបែងចែកឡើងវិញ" ដើម្បីជៀសវាងបំណុលបន្ថែមសម្រាប់ប្រឈមមុខនឹងការលំបាកផ្នែកសេដ្ឋកិច្ច និងអាជីវកម្ម។

លោក Draghi បាននិយាយថា "មិនដូចវិធានការមុនទេ វិធានការដែលបានស្នើឡើងនៅថ្ងៃនេះនឹងមិនត្រូវបានផ្តល់មូលនិធិដោយថវិកាសាធារណៈនោះទេ ប៉ុន្តែដោយក្រុមហ៊ុននៅក្នុងឧស្សាហកម្មថាមពល" ។

សេដ្ឋកិច្ចអ៊ីតាលី បានធ្លាក់ចុះដោយកំណត់ត្រា ៩.០% ក្នុងឆ្នាំ ២០២០ ក្រោមឥទ្ធិពលនៃការរីករាលដាលនៃកូវីដ១៩ និងកើនឡើង ៦.៦% ក្នុងឆ្នាំ ២០២១ ហើយការរំពឹងទុកនៃកំណើនឥឡូវនេះស្ថិតនៅក្រោមសម្ពាធ។

រដ្ឋាភិបាលអ៊ីតាលីកំពុងរៀបចំកាត់បន្ថយគោលដៅកំណើនសេដ្ឋកិច្ចរបស់ខ្លួនសម្រាប់ឆ្នាំ ២០២២ មកនៅខាងក្រោម ៤ ភាគរយពីការព្យាករណ៍ ៤.៧ ភាគរយកាលពីរដូវស្លឹកឈើជ្រុះឆ្នាំមុន។ នេះបើយោងតាមប្រភពពីទីភ្នាក់ងារព័ត៌មាន Reuters ។

Khcct banner

អត្ថបទទាក់ទង