ភ្នំពេញ៖ ធនាគារកាណាឌីយ៉ា បើកដំណើរការសាខាថ្មី«សាខាកោះពេជ្រ» ជាសាខាទី៦១របស់ខ្លួននៅទីក្រុងកោះពេជ្រ ជាផ្លូវការចាប់ពីថ្ងៃទី១៨ ខែឧសភា ឆ្នាំ២០២០នេះតទៅ។ ដើម្បីអបអរសាទរការបើកដំណើរការជាផ្លូវការ សាខាកោះពេជ្រមានផ្តល់ជូននូវវត្ថុអនុស្សាវរីយ៍ និងរង្វាន់លើកទឹកចិត្តជាច្រើនជូនអតិថិជនដែលបានអញ្ជើញមកធ្វើប្រតិបត្តិការហិរញ្ញវត្ថុជាមួយធនាគារកាណាឌីយ៉ា។
សម្រាប់សាខាកោះពេជ្រ មានផ្តល់ជូនអតិថិជននូវផលិតផល និងសេវាកម្មហិរញ្ញវត្ថុដ៏សម្បូរបែបរួមមាន ប្រាក់បញ្ញើ (ជាប្រាក់ដុល្លារអាមេរិក, ប្រាក់រៀល និងប្រាក់យាន់ចិន) ឥណទាន (ឥណទានផ្ទះ, ឥណទានយានយន្ត ឥណទាន ផ្ទាល់ខ្លួន) និងឥណទានសម្រាប់សហគ្រាសខ្នាតតូច -មធ្យម, ហិរញ្ញវត្ថុពាណិជ្ជកម្មអន្តរជាតិ/លិខិតធានា សេវាផ្ទេរប្រាក់ សេវាបើកប្រាក់បៀវត្ស សេវាប្តូរប្រាក់ សេវាបង់ពន្ធ ប័ណ្ណឥណទាន សេវាកម្មធនាគារចល័តតាមទូរសព្ទដៃ ម៉ាស៊ីនដក-ដាក់ប្រាក់ដំណើរការ២៤ម៉ោង/១សប្តាហ៍ និងសេវាកម្មផ្សេងៗជាច្រើនទៀត។
ធនាគារកាណាឌីយ៉ា ក.អ សាខាកោះពេជ្រ សូមស្វាគមន៍ក្រុមហ៊ុន និងអតិថិជនមកពីគ្រប់មជ្ឈដ្ឋាន ចំពោះការអញ្ជើញមកកាន់សាខាថ្មីបំផុត ដើម្បីធ្វើប្រតិបត្តិការហិរញ្ញវត្ថុគ្រប់ប្រភេទ និងដើម្បីសួរនាំព័ត៌មានបន្ថែមផ្សេងៗ តាមរយៈលេខទូរសព្ទ ០៧១ ៦៦៤៦ ៣៣៣/ ០៧១ ២៧៦១ ៣៣៣។
សូមបញ្ជាក់ថា ធនាគារកាណាឌីយ៉ា ក.អ គឺជាធនាគារដ៏ធំជាងគេគិតលើ តារាងតុល្យការ (ទ្រព្យ សកម្ម, ទំហំ កម្ចី និងប្រាក់ បញ្ញើ) នៅប្រទេសកម្ពុជា ដែលបានបើកដំណើរការអស់រយៈពេល ២៩ឆ្នាំមកហើយ៕
