Cc time
Cct850x100 1
Itt 0  web banner

កូរ៉េខាងត្បូងរកឃើញករណីឆ្លងកូវិដ១៩ជាង ៣០ម៉ីនករណីក្នុងរយះពេលពីរថ្ងៃ

អន្តរជាតិ
/
អ្នកយកព័ត៌មាន:
កូ រដ្ឋា
/
ម្ចាស់អាជីវកម្មខ្នាតតូចពាក់របាំងមុខ 'Younghee' ដែលជាតុក្កតាពីស៊េរីរឿង "Squid Game" របស់ Netflix អំឡុងពេលបាតុកម្មប្រឆាំងនឹងច្បាប់រក្សាគម្លាតសង្គមរបស់រដ្ឋាភិបាលនៅជិតអគាររដ្ឋាភិបាលក្នុងទីក្រុងសេអ៊ូល ប្រទេសកូរ៉េខាងត្បូង ថ្ងៃពុធ ទី 22 ខែធ្នូ ឆ្នាំ 2020។

សេអ៊ូល៖ អាជ្ញាធរសុខាភិបាលកូរ៉េបាននិយាយកាលពីថ្ងៃព្រហស្បតិ៍ថា ប្រទេសកូរ៉េខាងត្បូងបានរាយការណ៍ពីករណីឆ្លង កូវិដ១៩ថ្មីចំនួន ៣២៧,៥៤៩ករណី គិតត្រឹមពាក់កណ្តាលអធ្រាត្រថ្ងៃពុធ ដោយបានបង្កើនចំនួនអ្នកឆ្លងសរុបដល់ ៥,៥៣៩,៦៥០ នាក់។ ករណីផ្ទុកប្រចាំថ្ងៃបានធ្លាក់ចុះបន្តិចពីកម្រិតខ្ពស់បំផុតនៃ ៣៤២,៤៣៨ នៅថ្ងៃមុន ប៉ុន្តែវានៅលើសពី ៣០ ម៉ីនករណី សម្រាប់រយៈពេលពីរថ្ងៃ នេះបើយោងតាមទីភ្នាក់ងារគ្រប់គ្រង និងបង្ការជំងឺកូរ៉េ (KDCA)។ ការងើបឡើងវិញនាពេលថ្មីៗនេះត្រូវបានជំរុញឲ្យមានការឆ្លងនៅក្នុងតំបន់នៅទីក្រុងសេអ៊ូលចំពេលមានការរីករាលដាលនៃមេរោគបម្លែងថ្មី អូមេក្រុង ។

អាជ្ញាធរសុខាភិបាលកូរ៉េបាន បន្តថាក្នុងចំណោមករណីថ្មី ៦៦.៨៥៩ គឺជាអ្នករស់នៅទីក្រុងសេអ៊ូល។ ចំនួនអ្នកឆ្លងថ្មីដែលរស់នៅក្នុងខេត្ត Gyeonggi និងទីក្រុងកំពង់ផែភាគខាងលិច Incheon មានចំនួន ៨៨,១៤១ករណី ។ ចំនួនអ្នកឆ្លងដែលស្ថិតក្នុងស្ថានភាពធ្ងន់ធ្ងរមានចំនួន ១.១១៣ នាក់ កើនឡើង ២៦ នាក់ពីថ្ងៃមុន។ ការស្លាប់សរុបចំនួន ២០៦ នាក់ទៀតត្រូវបានបញ្ជាក់ដោយបន្សល់ទុកចំនួនអ្នកស្លាប់ចំនួន ៩,៦៤៦ នាក់។ អត្រាមរណភាពសរុបគឺ ០,១៧ ភាគរយ។

គួរបញ្ចាក់ថាប្រទេសនេះបានចាក់វ៉ាក់សាំង កូវិដ១៩ ដល់ប្រជាជនចំនួន ៤៤,៨៨៨,៣១៣ នាក់ ឬ ៨៧,៥ ភាគរយនៃចំនួនប្រជាជនសរុប ហើយចំនួនអ្នកចាក់វ៉ាក់សាំងពេញលេញគឺ ៤៤,៤០៧,៥២០ ឬ ៨៦,៥ ភាគរយនៃចំនួនប្រជាជន ខណៈដែលចំនួនអ្នកដែលទទួលបានវ៉ាក់សាំងជំរុញគឺ មានចំនួន៣១,៩១៩,២៨២ ឬ ៦២,២ ភាគរយនៃចំនួនប្រជាជនសរុប៕

Khcct banner

អត្ថបទទាក់ទង