Cc time
Cct850x100 1
Itt 0  web banner

អនុរដ្ឋមន្រ្តីស៊ីរី៖ ការពង្រីកទៅទិសខាងកើតរបស់ណាតូនៅពីក្រោយវិបត្តិអ៊ុយក្រែន-រុស្ស៊ី

អន្តរជាតិ
/
អ្នកយកព័ត៌មាន:
លី​ ម៉ាលីង
/
អនុរដ្ឋមន្ត្រីការបរទេសស៊ីរី លោក Bashar al-Jaafari កាលពីថ្ងៃព្រហស្បតិ៍ ប្រភពរូប៖ ស៊ីស៊ីធីវី

ស៊ីរី៖ អនុរដ្ឋមន្ត្រីការបរទេសស៊ីរី លោក Bashar al-Jaafari កាលពីថ្ងៃព្រហស្បតិ៍ បានលើកឡើងពីការពង្រីកទៅទិសខាងកើតរបស់អង្គការ NATO ដែលមិនអើពើនឹងការព្រួយបារម្ភផ្នែកសន្តិសុខស្របច្បាប់របស់រុស្ស៊ី ដែលជាបុព្វហេតុសម្រាប់ការកើនឡើងនាពេលថ្មីៗនេះនៃវិបត្តិអ៊ុយក្រែន។

លោក al-Jaafari បាននិយាយថា សហរដ្ឋអាមេរិក និងប្រទេសលោកខាងលិចផ្សេងទៀត គួរតែទទួលខុសត្រូវចំពោះជម្លោះអ៊ុយក្រែន និងរុស្ស៊ីដែលកំពុងបន្ត ខណៈពួកគេបន្តជំរុញការដាក់ពង្រាយយោធាទៅភាគខាងកើត និងប៉ះលើ "បន្ទាត់ក្រហម" នៃសន្តិសុខរបស់រុស្ស៊ី។

លោក al-Jaafari បាននិយាយថា «ហេតុអ្វីបានជាមានសង្គ្រាម? ថាវាគឺមកពីការពង្រីកទៅទិសខាងកើតរបស់ណាតូ។ វាមានបំណងអនុញ្ញាតឱ្យអ៊ុយក្រែនចូលរួម នេះគំរាមកំហែងផ្ទាល់ដល់សន្តិសុខជាតិរបស់រុស្ស៊ី។ ប្រសិនបើសហរដ្ឋអាមេរិកមិនចង់ឱ្យស្ថានការណ៍កាន់តែតានតឹង ហេតុអ្វីបានជាព្យាយាមឱ្យអ៊ុយក្រែនចូលរួមជាមួយណាតូ។ ហេតុអ្វីបានជាព្យាយាមបញ្ជូនអាវុធទៅអ៊ុយក្រែន?»

លោក Al-Jaafari បាននិយាយថា ចាប់តាំងពីមានការកើនឡើងនៃជម្លោះអ៊ុយក្រែនមក សហរដ្ឋអាមេរិក និងប្រទេសលោកខាងលិចផ្សេងទៀត មិនបានចាត់វិធានការណាមួយ ដើម្បីបន្ធូរបន្ថយភាពតានតឹងនោះទេ ផ្ទុយទៅវិញ ពួកគេបានដាក់ទណ្ឌកម្មខុសច្បាប់លើប្រទេសរុស្ស៊ី ដែលមិនអំណោយផលដល់ដំណោះស្រាយនៃបញ្ហាដែលកំពុងឆាបឆេះ។

លោក Al-Jaafari បានសង្កត់ធ្ងន់ថា សហរដ្ឋអាមេរិកបានលេងល្បិចដូចគ្នាប្រឆាំងនឹងស៊ីរី និងរុស្ស៊ី ។ មានប្រព័ន្ធផ្សព្វផ្សាយច្រើនពេក ដែលប្រើការនិយាយបំភ័ន្តប្រឆាំងនឹងប្រតិបត្តិការរបស់រុស្ស៊ី។ នេះគឺដូចគ្នាទៅនឹងអ្វីដែលពួកគេបានធ្វើចំពោះប្រទេសស៊ីរី ការនិយាយបំភាន់ដូចគ្នា ការភូតកុហកដូចគ្នា គោលនយោបាយដូចគ្នា ក្នុងការបង្ខូចកេរ្តិ៍ប្រទេសដទៃ បង្អាប់រូបភាពរបស់ពួកគេ និងការបង្ហាញខុស។

រុស្ស៊ីចង់ធានាថា អ្នកជិតខាងរបស់ខ្លួន ដែលជាអតីតរដ្ឋសូវៀត នឹងត្រូវបានរារាំងជាអចិន្ត្រៃយ៍ពីការចូលរួមក្នុងសម្ព័ន្ធភាពដឹកនាំដោយសហរដ្ឋអាមេរិក។ ខ្លួនក៏បានអំពាវនាវឱ្យអង្គការណាតូបញ្ឈប់សកម្មភាពយោធាទាំងអស់នៅអឺរ៉ុបខាងកើត ដោយបន្ទោសថា វាធ្វើឱ្យខូចសន្តិសុខក្នុងតំបន់។ មេដឹកនាំលោកខាងលិចបានច្រានចោល ហើយមិនអើពើចំពោះកង្វល់សន្តិសុខរបស់រុស្ស៊ី៕

Khcct banner

អត្ថបទទាក់ទង