WHO ៖ អគ្គនាយកអង្គការសុខភាពពិភពលោក (WHO) លោក Tedros Adhanom Ghebreyesus បានរំលឹកឡើងវិញ នូវការអំពាវនាវរបស់គាត់ឱ្យផ្តល់អាទិភាពដល់ការចាក់វ៉ាក់សាំងប្រហែល ៧០% នៃចំនួនប្រជាជនពិភពលោក ដើម្បីបញ្ចប់ជំងឺកូវីដ១៩ នៅឆ្នាំនេះ។
ថ្លែងនៅក្នុងសន្និសីទសារព័ត៌មានមួយនៅអាហ្រ្វិកខាងត្បូង កាលពីថ្ងៃសុក្រ ប្រធាន WHO បាននិយាយថា ការរំពឹងទុកគឺថាជំងឺរាតត្បាតដ៏អាក្រក់បំផុតនឹងបញ្ចប់ត្រឹមពាក់កណ្តាលឆ្នាំនេះ ប្រហែលខែមិថុនា ឬខែកក្កដា" ប្រសិនបើគោលដៅនៃការចាក់វ៉ាក់សាំងត្រូវបានសម្រេច។
លោក Tedros បាននិយាយថា ការឆ្លងកាត់កម្រិតនៃការចាក់វ៉ាក់សាំង គឺ "មិនមែនជាបញ្ហានៃឱកាសនោះទេ" ប៉ុន្តែជា "ជម្រើស" ក្នុងការសម្រេចចិត្តប្រមូលធនធាន ដើម្បីបំពេញគោលដៅនោះ។ វ៉ាក់សាំងជាង ១០ ពាន់លានដូសត្រូវបានគ្រប់គ្រងជាសាកល ក្នុងរយៈពេល ២ ឆ្នាំចុងក្រោយ។
ខណៈ ជាងពាក់កណ្តាលនៃចំនួនប្រជាជនពិភពលោក ឥឡូវនេះត្រូវបានចាក់វ៉ាក់សាំងពេញលេញ លោកបាននិយាយថា ៨៤% នៃចំនួនប្រជាជននៃទ្វីបអាហ្រ្វិកមិនទាន់ បានទទួលការចាក់ដូសទី១ទេ ហើយលោកបានស្តីបន្ទោសចំពោះ “ភាពមិនស្មើគ្នានេះនៃការចែកចាយវ៉ាក់សាំងជាច្រើន”។
មានតែជនជាតិអាហ្រ្វិក ១១% ប៉ុណ្ណោះ ដែលត្រូវបានគេរាយការណ៍ថា បានទទួលបានវ៉ាក់សាំង ដែលធ្វើឱ្យវាក្លាយជាទ្វីប ដែលវ៉ាក់សាំងតិចតួចបំផុតក្នុងពិភពលោក។ កាលពីសប្តាហ៍មុន ការិយាល័យរបស់ WHO នៅទ្វីបអាហ្រ្វិកបាននិយាយថា តំបន់នេះត្រូវការបង្កើនអត្រាការចាក់វ៉ាក់សាំងរបស់ខ្លួន "៦ដង" ដើម្បីបំពេញតាមគោលដៅ ៧០% របស់អង្គការសុខភាពពិភពលោក។
លោក Tedros បានសង្កត់ធ្ងន់លើ "តម្រូវការបន្ទាន់ក្នុងការបង្កើនការផលិតវ៉ាក់សាំងក្នុងស្រុក" នៅក្នុង បណ្តាប្រទេសដែលមានប្រាក់ចំណូលទាប និងមធ្យម ដើម្បីជាជំហានដ៏ជោគជ័យមួយ។ វាត្រូវបានបង្កើតឡើងដោយ Afrigen Biologics និង Vaccines តាមរយៈគម្រោងផ្ទេរបច្ចេកវិទ្យាសាកល្បង ដែលគាំទ្រដោយ WHO និងគំនិតផ្តួចផ្តើម COVAX ៕
