Cc time
Cct850x100 1
Itt 0  web banner

អាម៉េរិកលក់សេវាកម្មតម្លៃ១០០លានដុល្លារសម្រាប់ធ្វើឱ្យប្រសើរឡើងនូវមីស៊ីលរបស់តៃវ៉ាន់

អន្តរជាតិ
/
អ្នកយកព័ត៌មាន:
លី ម៉ាលីង
/

អាម៉េរិកលក់សេវាកម្មតម្លៃ១០០លានដុល្លារសម្រាប់ធ្វើឱ្យប្រសើរឡើងនូវមីស៊ីលរបស់តៃវ៉ាន់ ប្រភពរូប៖ FMT

វ៉ាស៊ីនតោន៖ មន្ទីរបញ្ចកោណបាននិយាយនៅថ្ងៃចន្ទថា សហរដ្ឋអាមេរិក បានអនុម័តការលក់ឧបករណ៍ និងសេវាកម្មដែលមានតម្លៃ ១០០ លានដុល្លារទៅឱ្យកោះតៃវ៉ាន់ ដើម្បី "ទ្រទ្រង់ ថែរក្សា និងកែលម្អ" ប្រព័ន្ធការពារមីស៊ីល Patriot។

សេចក្តីថ្លែងការណ៍របស់ទីភ្នាក់ងារសហប្រតិបត្តិការសន្តិសុខការពារជាតិអាម៉េរិក (DSCA) បាននិយាយថា ខ្លួនបានប្រគល់វិញ្ញាបនប័ត្រដែលត្រូវការជូនដំណឹងដល់សភាបន្ទាប់ពីការយល់ព្រមពីក្រសួងការបរទេសសម្រាប់ការលក់ ដែលត្រូវបានស្នើសុំដោយស្ថានទូតតៃវ៉ាន់នៅក្នុងទីក្រុងវ៉ាស៊ីនតោន។

DSCA បាននិយាយនៅក្នុងសេចក្តីថ្លែងការណ៍មួយថា ការធ្វើឱ្យប្រសើរឡើងដល់ប្រព័ន្ធការពារអាកាស Patriot នឹង "ជួយកែលម្អសន្តិសុខរបស់អ្នកទទួល និងជួយក្នុងការរក្សាស្ថិរភាពនយោបាយ តុល្យភាពយោធា សេដ្ឋកិច្ច និងវឌ្ឍនភាពក្នុងតំបន់" ។

ទីភ្នាក់ងារនេះបាននិយាយថា "ការលក់ដែលបានស្នើឡើងនេះ បម្រើផលប្រយោជន៍ជាតិ សេដ្ឋកិច្ច និងសន្តិសុខរបស់សហរដ្ឋអាមេរិក ដោយគាំទ្រដល់កិច្ចខិតខំប្រឹងប្រែងបន្តរបស់អ្នកទទួល ដើម្បីធ្វើទំនើបកម្មកងកម្លាំងប្រដាប់អាវុធរបស់ខ្លួន និងដើម្បីរក្សាបាននូវសមត្ថភាពការពារដ៏គួរឱ្យទុកចិត្ត" ។

ក្រសួងការបរទេសតៃវ៉ាន់បាននិយាយថា ខ្លួន "ស្វាគមន៍យ៉ាងខ្លាំងចំពោះការសម្រេចចិត្តនេះ ហើយបន្តធ្វើឱ្យស៊ីជម្រៅនូវភាពជាដៃគូសន្តិសុខដ៏ជិតស្និទ្ធរវាងតៃវ៉ាន់ និងសហរដ្ឋអាមេរិក" ៕

Khcct banner

អត្ថបទទាក់ទង