Cc time
Cct850x100 1
Sme laon web banner(1800 x 300)

កូនឈើ២ពាន់ដើមត្រូវបានដាំដុះឡើងវិញនៅភាគខាងជើងបឹងទន្លេសាបខេត្តសៀមរាប

សង្គម
/
អ្នកយកព័ត៌មាន:
ហួ ឆេងស៊ីម
/
សកម្មភាពនៃការដាំដុះស្តារឡើងវិញនូវកូនឈើចំនួន២ពាន់ដើមដែលជាប្រភេទព្រៃឈើលិចទឹក (រូបភាព៖ រដ្ឋបាលខេត្តសៀមរាប)

សៀមរាប៖ កូនឈើចំនួន២ពាន់ដើម ដែលជាប្រភេទព្រៃឈើលិចទឹក ត្រូវបានដាំដុះស្តារឡើងវិញ លើផ្ទៃដី២ហិតា ក្នុងតំបន់៣ នៃភាគខាងជើងបឹងទន្លេសាប នៅដែនសហគមន៍សសរស្តម្ភ ស្រុកពួក ខេត្តសៀមរាប។

យោងតាមសេចក្តីជូនដំនឹង លោក ង៉ាន់ ភិរុណ អភិបាលរងខេត្តសៀមរាប នៅថ្ងៃទី២៧ ខែធ្នូ ឆ្នាំ២០២១ បានដឹកនាំក្រុមការងារទទួលមុខព្រួញរៀបចំដាំកូនឈើចំនួន២ពាន់ដើម នៅដែនសហគមន៍សសរស្តម្ភ ស្ថិតនៅ ក្នុងឃុំមុខប៉ែន ស្រុកពួក ខេត្តសៀមរាប។

នៅក្នុងឱកាសនេះ លោកមានប្រសាសន៍ថា ការដាំស្តារព្រៃលិចទឹកឡើងវិញនេះ គឺធ្វើឡើងដើម្បីកាត់បន្ថយនូវការបាត់បង់និងរិចរឹលព្រៃឈើ លើតំបន់នេះដែលមានសភាពរិចរឹល ឬក៏បាត់បង់ព្រៃនាពេលកន្លងមក។

ទន្ទឹមនឹងនេះ លោកបានអំពាវនាវ ដល់ប្រជាពលរដ្ឋ ជាពិសេសអាជ្ញាធរមូលដ្ឋាន ឃុំ ស្រុក អោយជួយថែរក្សារ ការដាំស្តារកូនឈើប្រភេទព្រៃឈើលិចទឹកនេះ អោយលូតលាស់បានល្អ សំរាប់ជាប្រយោជន៍រួមទៅអនាគត។ ម្យ៉ាងទៀត ការដាំកូនឈើទាំងនេះមានសារៈសំខាន់ខ្លាំងណាស់ សម្រាប់ជីវៈចម្រុះ និងត្រីដែលត្រូវការនូវជម្រកសម្រាប់ពងកូន។ ដូចនេះសូមបងប្អូនប្រជាពលរដ្ឋចូលរួមថែរក្សា ការពារ ដើម្បីទុកជាប្រយោជន៍រួមសម្រាប់កូនចៅជំនាន់ក្រោយ៕

Khcct banner

អត្ថបទទាក់ទង