Cc time
Cct850x100 1
Sme laon web banner(1800 x 300)

វីរុសកូវីដ១៩បំលែងថ្មីអូមីក្រុងនឹងវាយប្រហារប្រទេសអឺរ៉ុបកាន់តែខ្លាំងនៅដើមឆ្នាំក្រោយ

អន្តរជាតិ
/
អ្នកយកព័ត៌មាន:
លី ម៉ាលីង
/
វីរុសកូវីដ១៩បំលែងថ្មីអូមីក្រុងនឹងវាយប្រហារប្រទេសអឺរ៉ុបកាន់តែខ្លាំងនៅដើមឆ្នាំក្រោយ ប្រភពរូប៖ ស៊ីនហួរ

WHO៖ មន្ត្រីអង្គការសុខភាពពិភពលោក បានព្រមានកាលពីថ្ងៃទី២២ ថា វីរុសកូវីដ១៩បំលែងថ្មី អូមីក្រុង នឹងក្លាយជាប្រភេទជំងឺរាតត្បាតដ៏សំខាន់នៅអឺរ៉ុបនៅដើមឆ្នាំ ២០២២ ហើយវានឹងចំណាយពេល ៣ ទៅ ៤ សប្តាហ៍ដើម្បីកំណត់ភាពពីភាពសាហាវនៃមេរោគនេះ ។

លោក Hans Krüger នាយកការិយាល័យប្រចាំតំបន់របស់អង្គការសុខភាពពិភពលោក WHO ប្រចាំទ្វីបអឺរ៉ុប បាននិយាយថា វីរុសអូមីក្រុង បានក្លាយជាប្រភេទជំងឺរាតត្បាតដ៏ចម្បងមួយនៅក្នុងបណ្តាប្រទេសមួយចំនួនដូចជា ដាណឺម៉ាក ព័រទុយហ្គាល់ និងចក្រភពអង់គ្លេស។

ការិយាល័យប្រចាំតំបន់របស់អង្គការសុខភាពពិភពលោកសម្រាប់អឺរ៉ុបគ្របដណ្តប់ប្រទេសចំនួន ៥៣ រួមទាំងប្រទេសនៅអឺរ៉ុប និងតំបន់ជិតខាងមួយចំនួន។ នៅក្នុងប្រទេសទាំងនេះ យ៉ាងហោចណាស់មានករណីឆ្លងអូមីក្រុងចំនួន ៣៨ ករណី។

យោងតាមទិន្នន័យមនុស្សឆ្លងកូវីដ១៩មាន ២.៦ លានករណីដែលបានបញ្ជាក់ថ្មីនៅក្នុងតំបន់អឺរ៉ុបកាលពីសប្តាហ៍មុន ឬ ៤០% ខ្ពស់ជាងរយៈពេលដូចគ្នាកាលពីឆ្នាំមុន។ លោក Hans Krüger បានស្នើឱ្យមនុស្សប្រើវិធីសាស្រ្ត "វ៉ាក់សាំងដូសជំរុញ" ដើម្បីដោះស្រាយជាមួយនឹងវីរុសថ្មីអូមីក្រុង ពោលគឺត្រូវពាក់ម៉ាស់ ចាក់វ៉ាក់សាំង និងជៀសវាងការធ្វើដំណើរដែលមិនចាំបាច់ក្នុងអំឡុងបុណ្យណូអែល និងចូលឆ្នាំសកល។

របាយការណ៍ប្រចាំសប្តាហ៍ជាសកលចុងក្រោយបង្អស់ស្តីពីការរាតត្បាតថ្មី ដែលចេញដោយ WHO បង្ហាញថា គិតត្រឹមម៉ោង ១៤ ម៉ោងនៅអឺរ៉ុបកណ្តាល មានប្រទេស ២១ និងតំបន់ចំនួន ១០៦ ជុំវិញពិភពលោកបានរាយការណ៍ករណីឆ្លងវីរុសកូវីដ១៩ អូមីក្រុង ហើយស្ថានភាពទាំងមូលដែលទាក់ទងនឹងហានិភ័យនេះនៅតែខ្ពស់៕

Khcct banner

អត្ថបទទាក់ទង