កម្ពុជារកឃើញវីរុស«អូមីក្រុង»២ករណីទៀតនៅថ្ងៃនេះ

ភ្នំពេញ៖ ក្រសួងសុខាភិបាលកម្ពុជា បានរកឃើញវីរុសបំប្លែងខ្លួនថ្មី«អូមីក្រុង»ចំនួន២ករណីទៀតនៅថ្ងៃទី ២៣ ធ្នូនេះ។នេះបើតាមការប្រកាសរបស់សម្តេច ហ៊ុន សែន នាយករដ្ឋមន្ត្រីនៃកម្ពុជា ក្នុងពិធីសម្ពោធដាក់ឲ្យប្រើប្រាស់ជាផ្លូវការអគាររដ្ឋបាល អគារសាលាជាតិគយ អគារសារមន្ទីរគយ នៃអគ្គនាយកដ្ឋានគយ និងរដ្ឋាករកម្ពុជា (ថ្ងៃទី២៣ ខែធ្នូ ឆ្នាំ២០២១)។

បើតាមសម្តេច ហ៊ុន សែន នៅថ្ងៃនេះក្រសួងសុខាភិបាល រកឃើញអ្នកឆ្លងកូវីដចំនួន៤ករណី ហើយក្នុងនោះមាន២ករណី ជាករណីនាំចូលជា វីរុសបំប្លែងខ្លួនថ្មីអូមីក្រុង។ការរកឃើញថ្មីនេះ ធ្វើឱ្យចំនួនអូមីក្រុងនៅកម្ពុជាកើនឡើងដល់៨នាក់។